ازيكم ياأحلي فتوكات
كل سنه وانتم طيبين
النهارده جايبه ليكم الرقاق الناشف من مطبخي بس بأيد ست الحبايب امي
ولانها طبعا اول مره تزورني في بيتي من اول ما اتجوزت تقريبا ست سنين
عشان انا عايشه بره مصر وجت لي زياره قلت لازم استغلها وتعملي الحاجات اللي بحبها واولها الرقاق وطبعا من اديها بيكون حاجه تانيه
هي عملته وانا سويته وطلع طبعا لا يعلي عليه
فقلت لازم انزله لحبايبي الفتوكات عشان يستفيدوا
بسم الله نبتدي
المقادير
دقيق ( حسب الكميه اللي تحبيها )
ملح
مايه دافيه
الطريقه
نعجن المقادير السابقه لحد ما نكون عجينه متماسكه وناعمه بالشكل ده
ونسبيها ترتاح شويه عشان متتقطعش معايا في الفرد( ده كلام امي طبعا )
نكور العجينه كور صغيره بالحجم اللي تحبيه ..
نبتدي نفرد واحده واحده بالدقيق
تابعوا بالصور ..
هنا فردتها خالص ..
انا سويته علي الصاج علي البوتجاز من فوق نسخن اصاج كويس اوووي ونهدي النار بعد كده ونسوي واحده واحده ..
ودي مراحل التسويه نقلب كل شويه لحد ما تستوي معايا …
شوفوا فيه منه اتنفخ معايا ازاي ..
ودي واحده خلاص استويت اهي ..
ونفرده علي صينيه كبيره عشان ينشف معايا
واصلا قبل ما تخلصي هتلاقيه كله نشف كويس ..
ودي الكميه بتاعتي ..
وهنا كمان ..
انا كده خلصت خلاص ,,,
ياريت تدعوا لامي ربنا يخليهالي ويرجعها مصر بالسلامه
ولو الموضوع يستاهل ياريت تقييموا
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه