انا حبيت اكتب النهارده عن موضوع بحس ان فيه استسهال كبير
وارجوكم انا بكتب الكلام ده من تجربه وخالص لوجه الله
بس اللى عندها ظروف تجبرها على الصناعى ربنا يعينها واللى ماعندهاش تتجدعن كده وتقرى الموضوع ده وتنوى ترضع ابنها طبيعى وتحتسب مجهودها عند ربنا
امال الجنه تحت اقدام الامهات ليه؟؟؟
نيجى بقى للمهم انا بزعل قوى لما بلاقى بيبى بيرضع من الببرونه
للمقوله الشهيره اللى بتزعلنى ((اصل صدرى مافيهوش لبن )) ده كلام غلط مليون فى الميه ….ربنا بيبعت للبيبى رزقه غير منقوص عن طريقك
وعلى رأى امهاتنا ((ده رزق مخفى))
وتبتدى الام تدى صناعى مع الطبيعى واللى بيحصل انه مع بداية الاعتماد على الصناعى اللبن بيقل فعلا!!!!!
يعنى كتر السحب يزود اللبن
تانى معلومه غلط….ان الصناعى فيه فيتامينات اكتر وافيد للطفل
وده كلام غلط مليون الميه مافيش حاجه افيد من الطبيعى للطفل حتى لوشوفتى البيبى اللى بيرضع صناعى مليان ووزنه زايد ده مش مقياس ابدا للصحه
المهم لما تتابعى مع الدكتور بقولك وزنه كويس مش لازم خالص يبقى مقلبظ
بالعكس زياده وزنه ممكن تأخر مشيه
كمان الذكاء عند الاطفال ….للاسف اللى بيعتمد على الصناعى له حدود لا يتخطاها
اما الطفل الطبيعى فلا حدود لذكاؤه
ده غير الغازات والمغص اللى بيصيب الطفل من الصناعى ….وطبعا الطبيعى سهل الهضم ومش بيعمل غازات
نيجى بقى لمعلومه تانيه غلط وهى انك تحددى مواعيد للرضاعه …..ماينفعش….. لازم تبقى حسب احتياج الطفل
يعنى فى الاول الطفل بيرضع من 10 الى 12 مره فى اليوم
حاولى تفضى نفسك على قد ماتقدرى وترضعيه بهدوء وانتى مش مستعجله ولا متوتره
لان طفلك لما يشبع منك هايكون اهدى وتلاقى وقت تشوفى مصالحك
كمان ماينفعش ترضعيه من الصدر ده شويه ومن التانى شويه
لازم يخلص الصدر كله وبعدين ينقل
وهاقولك ليه لان حليب الام زى الوجبه الغذائيه المتكامله الاول بيبقى خفيف وسكرياته كتير وبعدين اللبن بيتقل ودهونه تزيد وطبعا ده جزء مهم جدا لنمو البيبى وفى الاخر بيبقى زى الزبادى علشان يسهل الهضم
فا انتى لو ادتيه من كل صدر شويه الطفل مش بيستفاد كويس وبياخد الجزء الخفيف فقط
نحاول ياجماعه نرضع الطفل بعد الولاده مباشرة ومانكسلش …معلش نيجى على نفسنا شويه
لان لبن السرسوب ده افيد حاجه لمناعة الطفل
دا غير انك لما تبتدى ترضعى بدرى الرحم بيرجع مكانه اسرع حتى لو والده قيصرى حاولى بعد اما تفوقى بساعه كده تبتدى ترضعى البيبى
صدقونى تعب شويه فى الاول تستريحى بعد كده على طول
طفلك يبقى بصحه جيده ونومه هاادى
دا غير ان اللى بترضع طبيعى جسمها بيرجع زى الاول بسرعه ومش بتتخن
بس اهم حاجه تشربوا ميه كتير وكمان ياريت تاخدوا مجموعة فيتامينات علشان تحافظوا على صحتكوا
وممكن كمان لو عايزه ترضعى بليل تنيمى البيبى جنبك وترضعيه وانتى نايمه جنبه بس اهم حاجه تكون ذراعك تحت راسه علشان اللبن ماينزلش على ودنه ويعمل بعد الشر مشاكل
انا كده خاصت ويارب اكون افدتكوا
استودعكم الله
صحبة الياسمين صحبة الياسمين فتكات هايلة Fatakat 916622 تبوك – المملكه العربيه السعوديه
سبحان الله و بحمده