السلام عليكم ورحمة الله وبركاته
حبايب قلبي احلي فتوكات
التغذيه السلميه
كلمة بترن طول النهار والليل في ودنا
ازاي نحققها وازاي ناخد اول خطوه فيها
دا اللي هنعيشه مع بعض ان شاء الله لمده 3 شهور .
طبعا اكيد اغلبكم عارفين اني مش رشيقة ولا اتمتع بجسم نحيف
لا انا زي زيكم مريت بتجارب لاحصر لها
وكانت معظمها تبوء بالفشل علشان مكنتش وخده القرار بحزم وجديه
ولو اخدته مع اول حتة شيكولاته او حتة جاتوه اقول طيب بكره ابقي ابتدي
لما وصلت لمرحلة ان بكره دا بقي عادي جدا انه يجي
واقول بردوا بكره ما هو بيجي كل يوم
لكن انا اخير قولت لنفس لا بكره دا ممكن ميجيش عليا
وابقي ضيعت وقني ونفسي وبيتي وزوجي وصحتي
علشان حاجة ملهاش اي قيمه غير لو انا اللي وظفتها وحددتها وقننتها بنفسي
مش هحرم نفس لا هاكل اللي نفسي فيه بس من غير ما اضر نفسي
وفتكرت الايه دي
{وكلوا واشربوا ولا تسرفوا انه لايحب المسرفين }
وقول رسولنا الكريم (ص)
{ المعده هي بيت الداء والحميه هي الدواء }
وقررت اني لازم احافظ علي صحتي وابتدي بيها من جديد
رجيم فصائل الدم :
الحقيقة انا ااصبح عندي قناعه من كتر التجارب اللي مريت بيها
ان استحاله اللي بيحتاجة جسمي هو نفس اللي يحتاجه غيري
فبحثت شويه في رجيم فصائل الدم فوجدت ان اهم فوائده واحسنها
انه يعتبر منقي للجسم من السموم
فالتالي دايما هيكون ان شاء الله جسمك مليان بالطاقة والنضاره
واهما كمان اني فعلا بدخل لجسمي الاصناف اللي فعلا محتاجها
وهيستفاد منها سواء بنزل من وزني او بحافظ عليه
وطبعا هيقي الجسم من كتير من الامراض اللي ممكن يتعرضلها لاقدر الله
زي الربو فقر الدم التهابات المفاصل مشاكل الغده الدرقيه
وغيرها .. بسب اننا بنتعامل معاها بطريقة خطاء
واحنا مش عارفين دا رغم ان ممكن يكون اكلي في اطار صحي
لا والجميل ان وجدوا ان كل ما جسمي تشبع بأحتياجته الاساسيه
كل ما هو عمره ما هيطلب اللي بيضره
تمام
فهنا انا عملتلكم رجيمات متخصصه لكل فصيلة دم في حدود سعرات
اقل من اللي اجسمنا بتحتاجها علشان تسرع الحرق وبالتالي جسمنا ينزل
تعلميات عامه
– يمنع نهائيا استخدام السكر العادي
يمكن استخدام السكر الدايت ( شوجر ماتش )
– يمنع نهائيا استخدام الدهون اي ان كان نوعها
كل الاكل يطهي اما مسلوق او مشوي او ني × ني
– شرب 4 كوب ماء علي الريق يوميا
– الفطار بعد الماء ب 45 دقيقة
– الغذاء بعد الفطار من 5 الي 6 ساعات
– العشاء بعد الغذاء من 5الي 6 ساعات وقبل النوم بساعتين علي الاقل
– يوميا كبسوله فيتامين فيتافيرول الدعم بالحديد بعد الافطار
– 2 حبه خميره من الصيدليه قبل الوجبات الثلاثه ب2 كوب ماء
– بعد الاكل مباشرتا كوب شاي اخضر + ملعقة رجل اسد
– دا رابط خاص بالتمارين الرياضيه اليوميه لمده ساعه
https://fatakat.univanet.com/#929142
– لازم ننام يوميا من 6 الي 8 ساعات من بلليل للصبح
{وجعلنا الليل لباساً}
فعلشان نضمن ان ميكنش فيه ضغط او عبئ نفسي علينا
ممكن يخلينا نتوتر ونعبد عن هدفنا دا لازم ننام بدري
وغير كده معروف ان النوم بيقينا من كتير من الامراض
واهما بوضوح الشيخوخة المبكره وقلة التركيز
في حكمه بتقول
(النوم المبكر والاستيقاظ المبكر يجعل الإنسان صحيحاً وغنياً وحكيماً)
واخيرا
شعارنا في الموسم الثالت هو
وان شــــــاء الله
غاده الصايغ غاده الصايغ 14731_2.gif مديرة الموقع Fatakat 14731 القاهرة – مصر