السلام عليكم ورحمة الله وبركاته
أنا يابنات عديت نص التاسع ومعنديش طلق ولا حاجة وأنا بكرية
بس امبارح كنت عند دكتورة وعملت سونار وقالت البيبي كبير ولو كبر عن كده مش هعرف أولدك طبيعي
طبعا كشفت نسا عشان تعرف حجم الحوض وكان كشف مايعلم بيه إلا ربنا
المهم قالت حوضك يسمح بس مينفعش استنى عليكي أكتر من يوم الاربعاء الجي ان شاء الله
وأنا نفسي أولد طبيعي الصراحة وبطلبها من ربنا وتكون خير ليا وللبيبي
فأنا استخرت اصلا من الأول للدكتورة دي لأني أول مرة أروح لها لأن كتيييير شكروا فيها وحصل موقف كده واحنا ف العيادة حسسني إنه نتيجة الاستخارة ودخلت عليها مع إنها كانت رايحة ولادة
المهم بقى
قالت طالما مفيش طلق عندك هديكي لبوسة تحمي الطلق
أنا معرفش أي حاجة عن اللبوسة دي ولا هيحصل طلق ازاي وبيوجع ولا ايه
هي كانت مستعجلة عشان الولادة اللي وراها فمسألتهاش حاجة وكنت كمان بعيط من كشف النسا فأمي اللي كلمتها وأنا مركزتش
اللي تعرف حاجة عن اللبوس المهبلي ده ترد عليا وتطمني الله يكرمها
وادعولي بالتيسير ولكل حامل ويارب ارزق كل مشتاقة وتبقى ولادتنا سهلة متيسرة
جزاكم الله خيرا
أم يوسف السلفية أم يوسف السلفية 480384_2.gif فتكات رائعة Fatakat 480384 اسكندرية – مصر