الحمدلله الحمدلله انا حامل كان نفسي اكتب الموضوع ده من زمان
طبعا انا بقالي سنتين دايخه من دكتور لغيره وده ينصب وده يضحك علينا غير الادوية وفي الاخر قررت انا جوزي بجملة المصاريف الكتير الا من غير نتيجه نتوكل على الله ونعمل الحقن المجهري بس كان لازم قبل الحقن اعمل منظار بطني ورحمي فقلت نأجل الشهر الجاي لغاية لما نوضب الشقة علشان اقفلها واعد عند ماما بعد الحقن علشان معملش اي حركه يدوبك فرشت الشقة وحجزت عند الدكتور الاسبوع الا بعده علشان احدد ميعاد العمليه واستنى الهانم مجتش ابتديت اشك بس مردتش استعجل زيي كل مرة واعمل تحليل استنيت يومين وعملت التحليل والمعمل من حظي الدكتورة الا بتعمل التحليل مش هتيجي قبل ساعتين سحبت العنية واستنيت ساعتين عند ماما من غير ما اقول لاي حد وطبعا عارفين التوتر وكل 10 دقائق اتصل بالمعمل يقولولي لسه يا اما الدكتور بتصلي يا ما لسه وهكذا وفي الاخر نزلت واستلمت النتيجه ومكنتش مصدقة نفسي وهي بتقولي مبروك كنت هيغم عليا وبقيت اقولها متأكده وهي تأكدلي وبعد مامشيت بربع ساعه خايفة اقول لحد لحسن يكون زيي قبل كده ويطلع غلط اتصلت تاني بالمعمل واسالهم النتيجه اكيده ياكدولي والحمدلله وجبت تست حمل منزلي واتأكدت اني في حقيقه مش حلم الحمدلله يارب
طولت عليكم بس نفسي بجد كلكم تفرحوا فرحتي
وهقولكم على الاعراض الا خلتني شكيت قبل ميعاد البيريود
1- صدري قبل ميعاده باسبوع لاقيته تقيل ومنفوخ وبيوجعني وكاني برضع
2- ريحه الافرازات الا بتنزل قبل البيريود مكنش ليها ريحه زيي كل شهر كانت بتبقي زيي ريحة البيريودالشهر ده من غير اي ريحه خالص
3- سرتي لاقيتها مسحوبه لجوه شوية ومبقتش اشوفها زي وانا حامل في بنتي
4- كل شوية اقوم من عز النوم ادخل الحمام اعزكم الله حتي لو كمية بسيطه
5- الاعراض الطبيعية الا بتحصل قبل البيريود وديه بقي كانت بتخليني ابطل شك المغص الجامد ووجع الضهر والتقلصات كله كان عادي كأن البيريود جايه خالص وكنت بقول هتنزل انهارده من الوجع
وديه الحاجات الا عملتها الشهر الا حصل فيه الحمل بفضل الله
1- قرأت سورة البقرة وسورة يس وسورة الملك والواقعه والدخان والرحمن كل واحده مرة
2-مبطلتش استغفار لاني كنت خايفة من العمليات والحقن الا في الحقن والمنظار 3-كنت بدعي في كل ركعة في السجود وبعد الركوع اكتر من 20 مرة ( رب لا تزرني فردا وانت خير الوارثين ) في كل ركعة واستغفر في بعضها وكنت بدعي بين الاذان والاقامه واصلي بينهم ومأخرش الصلاة الحمدلله ادعولي ربنا يتمملي حملي على خير ويارب يرزق كل مشتاقة بالذرية الصالحة ويسعدها ومازالت بدعي لكل الفتوكات الحمدلله ربنا يرزقهم الذرية الصالحة عاجلا غير اجلا يارب
نانو1984 نانو1984 سوبر فتكات Fatakat 193787 القاهره – مصر