عندي ليكو وصفة حمام مشوي بس جديدة (هي كانت جديدة عليا بس بعد ماعملتها كل اللي داقها حبها جدا)
اولا تجيبي الحمامة وتقسميها نصين .. وبعدين تفتحي كل نص .. تغسليها كويس بالماء والملح وقليل من الليمون .. تشطفيها بالماء وتتركيها على جنب (عدد الحمامات على حسب افراد الاسرة)
التتبيلة (دي الاهم طبعا)
في علبة حطي:
عسل ابيض – كريمة لباني – بهار- عصر برتقالة – زعتر اخضر (لو مافيش ممكن ناشف) -فتافيت عيش (او فتافيت توست)
تمام كدة؟؟
تدعكي انصاف الحمام بالتتبيلة دي وتحطي العلبة دي في التلاجة اقل حاجة ساعتين بس مش اكتر من يوم
وقت الشوي:
سخني الشواية كويس – ادهني سطح الشواية بزيت (النوع اللي تحبيه) – طلعي الحمام وابتدي حطي الانصاف الجزء الداخلي الاول – اقلبي على الوش التاني
لما تخلصي …… ابتدي كلي وبالهنا والشفا
لو عجبتكم ادعولي
مواضيع هذا القسم برعاية
موشي موشي 261449_1.gif فتكات نشيطة Fatakat 261449 الاسكندرية – مصر