السلام عليكم ياحلي فتوكات بصوا بقي انا حاصلي حاجه غريبه اوي ومصدومه لحد دلوقتي وجوزي متنح ومش بيكلمني وانا مش عارفه افرح ولا ازعل مش فاهمه شعوري الموضوع ان من كام يوم كنت تعبانه جدا كنت برجع وبطني كانت بتتقطع من المغص روحت المستشفي وعملت اشعه وتحاليل وقالولي عندك حصوه في المراره ولازم تعملي عمليه لان المراره ملتهبه المهم فضلت اسبوع كده متردده اعملها اولا لاني مش حاسه اني تعبانه وثانيا كنت خايفه انا عندي بنوته عندها سنه وانا عايشه برا مصر وكنت خايفه اسيب بنتي لوحدها مع باباها المهم جوزي غصب عليه وقالي لازم تعمليها وراح للدكتور والدكتور فضل يكبرلنا الدنيا وحسسني لو ماعملتهاش حموت واتفقنا علي ميعاد العمليه نيجي بقي للكارثه العمليه بكره وانا بظبط نفسي علشان اعملها المهم الدوره عندي متاخره 4 ايام مش كتير يعني بس في حاجه كده قالتلي ايه اعملي اختبار حمل قبل ما تروحي تعملي العمليه علشان ابقي مطمنه وعملته لقيت نفسي حامل مش مصدقه نفسي انا والله فرحانه والحمد لله وكل اللي يجيبوا ربنا كويس بس بصراحه ماكنتش عامله حسابي اني اخلف دلوقتي وبنتي لسه صغيره والدنيا معانا بردوا مش مظبوطه جوزي متنح بقي من ساعتها وانا بردوا متفاجأه اوي انا كمان نسيت اقولكم حاجه اني مااخدتش اي حاجه تمنع الحمل علشان بصراحه كنت خايفه بس الغريب بردوا اني انا كنت مقرره بعد ماتيجي الدوره الشهر ده وتخلص حروح اشوف وسيله لمنع الحمل انا عارفه اني رغيت كتير وطولت عليكم السؤال دلوقتي الرضاعه بالنسبه لبنتي ايه الحل فيها مش عارفه ومش فاهمه اتصرف معاها اززاااااااااااي ياريت تفيدوني الله يكرمكم
مستخدمه مستخدمه فتكات نشيطة Fatakat 782576 ابوظبي – الامارات
سبحان الله و بحمده