ازيكو يابنات
هدخل فى الموضوع على طول
انا دخلت اهو الرابع الحمدلله كنت طول الشهر التانى والتالت قاعده عند والدتى لان الدكتور كان منعنى من اى حركه لانى اجهضت قبل كده وقالى نامى وبس وكنت منتظمه على حقن تثبيت وعلى حمض الفوليك ومش بفوت حاجه
جيت قبل مااخلص الثالث باسبوع كده روحت للدكتور فى معادى وقالى كل شى تمام ولو عايزة تروحى روحى وكده
روحت فى نفس اليوم وقعدت بتاع 3 ايام تمام اوى مافيش حاجه وبعدين بدات اتعب روحت فى يوم كارفور مع جوزى نجيب طلبات واغم عليا هناك مع انه اصر ان نتغدى الاول بره قبل ماندخل السوق عشان ماتعبش يعنى كنت لسه واكله وبرده اغم عليا كانت اول مرة تحصلى من اول الحمل اصلا تقدرو تقولو انى ماتعبتش فى ال3 شهور الاوللانىن اقصى تعب كان احساس بالترجيع وبسسسسسس
يعنى حملى كان كويس بس محتاجه راحه
المهم بعد مارجعت من كارفور نمت وصحيت تانى يوم عندى برد فظيع وعلى بالليل كده لاقيت نزل منى افرازات مدممه كده طبعا خوفت وروحت للدكتور تانى يوم فورا ومكنش معادى وكنت هاموت من القلق على الجنين ليكون حصله حاجه الدكتور قالى كويس ومافيش حاجه بس اعملى التحاليل دى
كانت تحاليل سيوله وفيروسات عملتهم وشافهم طلع مافيش فيروسات الحمدلله لاكن طلع عندى نسبه تجلط جامد والدكتور كتبلى على حقن بتتاخد تحت الجلد فى البطن كل يومين
من ساعت مابدات اخدها وانا معدتى بايييييييييييييييظه وكل مااكل حاجه احس بالم فظيع فى بطنى واجرى على الحمام اعمل حمام (اعزكم الله) كل شويه على ده الحال لدرجه انى بقيت ببقى جعانه وبسقط من الجوع وبهرب من الاكل بسبب الالم اللى بحسه لما باكل
يعنى انا لسه حاصلى كده وجريت على الحمام برده بس ارتحت لما دخلت يعنى
تانى حاجه انا كتير اوى بقيت احس انى هايغم عليا يعنى مثلا دلوقتى حاسيت باعياء جامد قومت جبت حتتين كيك وعلبه لبن واول ماكلت طبعا حصلى زى مابقولك
والصبح وانا نايمه صحيت من النوم على مغص جامد وحسيت انى هيغم عليا
تخيلو هيغم عليا وانا نايمه على السرير حاجه مش طبيعيه
وكنت خلاص هغيب عن الوعى لولا انى رنيت على مامتى كانت قاعده برده جت جرى وجابتلى حاجه اكلها وفضلت تعبانه شويه وبعدين نمت تانى
انا مش عارفه ايه اللى بيحصلى ده والجنين كويس لانى حاسه بحركاته بس مش عارفه ايه اللى بيحصلى ىده
ياريت اللى مر بده يقولى ايه ده
noureen2016 noureen2016 images/avatars/dark1.gif فتكات رائعة Fatakat 475056 حدايق الاهرام – مصر