السلام عليكم
ازيكم يا حبايبى
فى منكم عارفنى وعارف قصتى مع انعدام الحيوانات المنويه
وده القصه للى مش عارفها
جوزى تحليله صفر ورايحين ادم تعالوا نفسى افضفض معاكم شويه
وده تفاصيل زيا رتى الاولى مع دكتور مدحت عامر
مقابلتى انا وجوزى مع دكتور مدحت عامر انهارده
وده تفاصيل لما رحت كشفت نسا الشهر الى فات
دخلت اللجنه الطبيه لدكتورة اسمها منال هى صغيره كده ومحجبه
سالتنى شويه اسئله عن الدوره والجماع وكده
وبعدين دخلت لدكتور اسمه محمد بهاء صغير برده فى السن
دخلتت للكشف
الاول قالى معلش هحط حاجه كده علشان اشوف عنق الرحم
ومتشديش نفسك وسورى افتحى رجلك
دخل اله كده وقالى ان عنق الرحم الحمد لله كويس
وبعدين دخل الاداه بتاعه السونار
والبنت الى واقفه بعد ما خرج كشفت على صدرى علشان اللبن وكده والحمد لله طلع تمام
لبست وخرجت قالى المبيض الشمال تمام
بس اليمين عليه كيس وظيفى
قلتله ده تكيسات لانهم قالولى كده لما روحت الجلاء فى 2024
قالى لا معندكيش تكيسات ده كيس مش بيأثر فى حاجه
ومش بيعمل حاجه وممكن يظهر شهر ويختفى شهر وكده
وبيحصل معاه حمل لكن احنا فى الحقن المجهرى عاوزين ان المبيض يطلع اعلى جوده للبويضات
فعلشان كده هديكى ادويه وتيجى تانى بعديها نشوف لو اختفى خلاص لو لا نزود الجوعه لدوره تانى
ادانى
فوليك اسيد وقالى ده تمشى عليه علطول
وفيتامين اسمه اوكتاترون وده مكمل غذائى
وحبوب جينيرا وده بتاعه منع الحمل
قالى تاخديها 21 يوم من امبارح واروحله تانى يوم الدوره الجايه
وطلب منى التحاليل الى هى قبل العمليه
ومعاهم تحليل هرمونات
fsh
tsh
prlactlin
lh
وتحليل اسمهamh ده بتاع مخزون المبيض
عملتهم ادعولى يطلعوا كويسين الهرمونات هتظهر انهارده بس بتاع هرمون المبيض قالولى يوم 8 فى المختبر
ادعولى يابنات يطلع نخزون المبيض ده كويس والهرمونات مظبوطه
يا رب
ولو تعرفوا اى معلومات عن الكيس الوظيفى ده قولولى
المهم عملت التحاليل الهرمونات ومخزون المبيض
وتحاليل ما قبل العمليه ليا ولجوزى
وروحنا امبارح تانى يوم البيريود
دخلت لدكتوره اسمها منال
كشفت بالسونار
وقالتلى الحمد لله الكيس الوظيفى راح
وقالتى مخزون المبيض كويس
والهرمونات كويسه الحمد لله
بس فى تحليل كان بتاع سيوله قالتلى مرتفع شويه
وهعيده تانى
وتحاليل ما قبل العمليه لجوزى طلعت كويسه
ما عدا تحليل انزيمات الكبد طالع 78 والمفروض الاقصى بتاعه 65
قالولنا نروح لدكتور باطنه علشان نطمن ويشوفه هيكون جاهز للتخدير
وحددولنا بعد ما نبعت التحاليل دول
لجنه طبيهاليوم العشرين
ادعولى يا بنات
سالت الدكتوره عن تحاليل التجلط والاجسام المضاده
قالتى لا ملهمش لازمه قولتها انا بشوف البنات على النت بتتكلم فيهم كتير
قالتلى برده لا
بس كده
ادعولنا بقى بالله عليكم وكسفولى الدعاء
ان ربنا ييسر لنا امورنا ونلاقى حيوانات منويه جوه الخصيه
ونكمل العمليه وربنا يرزقنا منهم بطفل سليم معافى
وان انا اطلع بويضات صالحه وكويسه يا رب
ادعولى خايفه اووى وقلقانه اووى بجد
وكنت عاوزه اسالكم هو تحليل الغده اسمه ايه
والى عملوا فى ادم هو من ضمن التحاليل الى اطلبوا ولا لا
والى عنده معلومات عن انزيمات الكبد ده يطمنى بالله عليكم قلقانه
وهو تحاليل الفيروسات c b
طلعوا كويسين الحمد لله
وهبقى اتبابعكم هنا بكل جديد ان شاء الله
اقروا الدعاء ده معايا وقولوا اميييييين
ربنا يرزقنا جميعا
دعاء طويل بس شوفي الراحه بعد ماتقرأيه: ""اللهم لا تشمت اعدائي بدائي واجعل القرآن العظيم دوائي وشفائي انت ثقتي ورجائي واجعل حسن ظني بك شفائي ، اللهم ثبت علي عقلي وديني ، وبك يا رب ثبت لي يقيني وارزقني رزقاً حلالاً يكفيني وابعد عني شر من يؤذيني ، ولا تحوجني لطبيب يداويني ، اللهم استرني على وجه الارض ، اللهم ارحمني في بطن الارض ، اللهم اغفرلي يوم العرض عليك ، بسم الله الرحمن الرحيم طريقي والرحمن رفيقي
والرحيم يحرسني من كل شيء يلمسني ، اللهم اعوذ بك من شر النفاثات في العقد ومن شر حاسد اذا حسد ، اللهم اني عبدك ابن عبدك ابن امتك ناصيتي بيدك ماض في حكمك ، عدل في قضاؤك اسالك بكل اسم هو لك سميت به نفسك أو أنزلته في كتابك أو علمته أحداً من خلقك او استاثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي اللهم يا مسهل الشديد و ياملين الحديد و يامنجز الوعيد و يا من هو كل يوم.
..
في امر جديد ، اخرجني من خلق الضيق الى اوسع الطريق بك ادفع ما لا اطيق ، ولا حول ولا قوة الا بالله العلي العظيم ، اسالك اللهم بقدرتك التي حفظت بها يونس في بطن الحوت ، ورحمتك التي شفيت بها ايوب بعد الابتلاء ان لاتبق لي هما ولاحزنا ولاضيقا ولاسقما الا فرجته ، وان اصبحت بحزن فامسيني بفرح و ان نمت على ضيق فايقظني على فرج ، وان كنت بحاجه فلا تكلني إلى سواك وان تحفظني لمن يحبني وتحفظ لي احبتي ، اللهم انك لا تحمل نفساً فوق طاقتها فلا تحملني من كرب الحياة مالا طاقة لي به وباعد بيني وبين مصائب الدنيا وتقلب حوادثها كما باعدت بين المشرق والمغرب ، اللهم بشرني بالخير كما بشرت يعقوب بيوسف وبشرني بالفرح كما بشرت زكريا بيحيى، اللهم بشر من أرسل لي هذا الدعاء ومن يرسله بحاجة تفرح قلبه وتدمع عيناه منها، اللهم آمين
نفسى فى فرحه عمرى نفسى فى فرحه عمرى 750506_1.gif فتكات نشيطة Fatakat 750506 القاهره – مصر