عارفين الجبنه المقليه بتاعه جاد اللي مالهاش الحل دي اللي الساندوتش ب 8 جنيه انتوا بقى ممكن تعملوا 5 سندوتشات بالـ 8 جنيه دول تعالوا بقى شوفوا
المقادير: جبن شيدر مقطعة صوابع او رومي اللي انتي عاوزاه
بيض مضروب
بقسماط ناعم
بقدونس مفروم اوي
فلف اسود
وبهارات وشطه حسب الرغبه
التحضير: تخلطي البيض بالبقدونس والتوابل وتحطيهم على بعض و تحطي صوابع الجبنة في الخلطة وبعد كده البقسماط وبعد كده تتحط في التلاجة لمدة لا تقل عن نصف ساعة
الطبخ: تسخني الزيت اوي في طاسة وتحطي فيها صوابع الجبن ويدوبك تحطيها وتشيليها على طول ما بتستحملش
وترفعيها من الزيت وتصفيها على ورقة وتحطيها في العيش الفينو على طول وما تنسيش بقى الحبشتكنات الخس والمايونيز والكاتشب والتظبيط بقى
اوعوا تنسوا التقييم هزعل اوي ده اول حاجة ليا في قسم المطبخ ما تكسفونيش بقى شجعوني
مواضيع هذا القسم برعاية
هبه هوبا هبه هوبا فتكات متميزة Fatakat 578721 القاهرة – مصر
سبحان الله و بحمده