السلام عليكم ورحمه الله وبركاته
ازيكن جميعا حبيباتى
حبيت اوريكم المينى تورته حادقه اللى عملتها
ودى من جوا وهى محشيه تونه بالمايونيز والزتون
والمقادير لعيونكم
الاساس هو عيش توست او عجينه العيش الفينو
بس بالتوست احلا واطرى
والحشو زى ما تحبى (فراخ لحمه بسطرمه لانشون جبنه )
الصوص الابيض عباره عن (زبادى ومايونيز)
التزين الخارجى بالصوص الابيض وجبنه شيدر مبشوره وجزر وزتون
وممكت تقسميها كل ربع بحشو مختلف
الطريقه
الاول هتعملى الصوص على اد ما هتحضرى يعنى الزبدية عليها حوالى 4ملاعق مايونيز
ودوقى علشان لازم يكونوا متساوين فى الطعم مع بعض
وتكونى محضره حشوتك زى ماتحبى انا هنا كنت حشياها تونه بالمايونيز والزتون
تجيبى التوست وتدهنى بسيط من الصوص علشان لو كترتى التوست هيدوب
ويعجن ومش هتعرفى تشيليها ..
وبعدين تبدئى تحطى الحشو وترتبيها طبقات فوق بعض
توست وحشو وتوست وحش انا عملاها 3 طبقات فقط علشان تبئى سهله فى الاكل
بعد ما تخلصى تجيبى باقى الصوص وتغطى بيه التوست كله من الجوانب والسطح
زى الكريم شانتيه للتورته ..وتزينيها بالجبنه المبشوره (رومى شيدر جوده)
وكل ما كترتى الالوان بيكون شكلها احلا يعنى تزيدى جزر بشر خيار زتون
وتعملى بئه حركات فى الشكل على الطبق
بس يا ستى وبالف هنا
ايه رايكم …
وماتنسوش التقيم
مواضيع هذا القسم برعاية
*ايمى هانم* *ايمى هانم* 57188_14.gif فتكات غالية قوي Fatakat 57188 بورسعيدية وافتخررر – بتنا