طبعا الفتة المصرية معروفة و محدش بيختلف عليها لكن طبعا بما ان كل حاجة بتتغير و تتطور حتى التمر فى الاسواق بأه اسمه تمر ثورة يناير فلازم كمان نطور فى الفتة و نقدمها بشكل يشهى بعد الثورة و لا هى ملهاش نفس يعنى !! كملى معايا و انتى تعرفى قصدى بالتطور الطبيعى للفتة المصرية بعد ثورة يناير
♥♥ نبدأ بسم الله ♥♥
2 كوب أرز أبيض مطبوخ… 2 رغيف خبز بلدى … لحم مكعبات(قطع متوسطة مش كبيرة) … مرقة اللحمة … معلقتين توم مفروم … خل أبيض … معلقتين صلصة طماطم أو كوب عصير طماطم… ملح و فلفل
عشان الفتة تكون لذيذة و فى نفس الوقت خفيفة على أد ما نقدر .. يدهن الخبز بالزبدة بواسطة الفرشاة ليتشبع بطعمها بدون دهون زيادة
يقطع الخبز قطع متساوية بمقص المطبخ و يحمص فى صينية بالفرن
بعد سلق اللحم مع بصل مقطع شرائح و ورق اللورى و الفلفل و الحبهان تنشل من المرقة و تحمر فى قليل من الزبدة و معلقة توم و ملح و فلفل
تحمر معلقة توم كبيرة فى معلقة زبدة ليصفر لونها فقط بعدها ننزل عليها بالخل حوالى ربع كوب
بعدها نضيف 2 كوب مرقة لحم و نضبط الملح و الفلفل و ده اللى بنسقى بيه الخبز المحمص
لعمل صوص طماطم على وجه الفتة نتبع نفس الطريقة .. نحمر التوم و ننزل عليه الخل و بعدها عصير الطماطم ( أو ) أنا أضفت معلقتين كبار صلصة طماطم+ كوب ماء
التجديد فى الشكل و طريقة الغرف هو جزء من التطور الطبيعى لفتة الثورة المصرية !!!
يغرف الأرز فى قالب زى قالب البريوش مثلا حتى النصف فقط
يرص الخبز المحمص فوق الارز و يسقى بالمرقة و تقلية الخل و التوم
تفرد طبقة أخرى من الأرز الأبيض و يرش عليها معلقة من المرقة بالخل و التوم
تقلب الفتة فى طبق التقديم و تجمل بصوص الطماطم بالخل و التوم و ترص عليها قطع اللحم
و هو ده التطور الطبيعى للفتة المصرية بعد الثورة …
♥*♥ دهون قليلة ♥*♥
♥*♥ لحمة مكعبات صغيرة مش هبر ♥*♥
♥*♥ شكل أرقى فى التقديم ♥*♥
اذا أعجبك الموضوع فلا تنسينى بدعواتك الطيبة و أ ن يفرج الله كربى ..
و بحضوركم العطر
قالب الجيلى البارد فى حر رمضان بالكريمة و بواقى الكيك
بريانى الدجاج بالروب (الزبادى)
عودة للزمن الجميل بكاسات مهلبية الفانيليا و المشمشية
مسقعتى مشوية أو مقلية ميختلفش عليها اتنين
بيكاتا بالمشروم و لا أطعم و لاأسهل
ألذ رويال سينابون و تشوكليت رولز
مواضيع هذا القسم برعاية
شايما شايما 285787_30.gif فتكات ست الكل Fatakat 285787 قلب زوجى و أولادى – أم الدنيا و أحلى الاوطان *مصر و بكل فخر*