بصوا بقى الاول كنت لما احب اكل بيتزا وندخل ياختى كده المطعم من دول تدفعيلك ايه شوية وشويات انتى واصحابك او انتى والعائلة دلوقتى انا بعمل بيتزا جميلة فى البيت وبناكل كلنا منها بتكفى وبتفيض وكمان ضمناها ديه عمايل ايديا المهم عشان ماطولش عليكم
الطريقة
هتجيبى 3 كوب دقيق و1 كوب لبن دافئ وتجيبى ملعقة خميرة فورية تذوبيها فى نصف كوب ماء دافئ وملعقة سكر وتضيفيها عليه وتضيفى و3 معالق زيت وربع ملعقة ملح وربع ملعقة سكر و بيضة واحدة وتعجنيهم كلهم مع بعض كويس اوى وبعدين تغطيها بقماشة وتسيبيها تخمر ساعة او ساعة ونصف فى مكان دافئ انا بحطها فى الفرن بس وهى مطفيه طبعا ههههههههه المهم على بال ما تخمر تعملى صوص الطماطم هتصفر 3 فصوص ثوم فى زيت على النار وبعدين تحطى عصير الطماطم وملعقة خل وملعقة سكر وملح وفلفل وتسيبيها تسبك بعد كده تجيبى العجينة وتقسميها اثنين وتجيبى صينيتين مدورين وتفردى العجينة وتخرميها بالشوكة عشان تستوى وبعدين تدهينيها بصوص الطماطم وبعدين تحطى الحشو اللى انتى عايزاه على الوش وترشى على الحشو الجبنة بتاعتك الموتزاريلا وعلى فكرة ممكن تحطى جبنة تركى والله انا جربتها مابتقولش لأ بتطلع هائلة وتدخليها الفرن حوالى ربع ساعة وتطلعيها وتاكلى وتدعيلى
واوعوا طعم البيتزا ينسيكم تقيمولى وتقولولى رايكم هههههههه مواضيع هذا القسم برعاية
dodohabiby dodohabiby 836875_1.gif فتكات نشيطة Fatakat 836875 اسكندرية – مصر
سبحان الله و بحمده