بسم الله الرحمن الرحيم
وحشتوني
بس انا ضيفه عليكوا النهارده
لان معظم مواضيعي في قسم البشره
يارب اكون ضيفه خفبفه عليكوا
ندخل في الموضوع
كنت بعمل بفتيك
ودايما اما بدخل هنا كل التعلبقات ع البفتيك علي حاجه واحده
البفتيك بيفصل مني
خدوا بقا خبره 7 سنين جواز
الاساس في الموضوع كلللللو
اللحمه والسوا
هتكلم عن اللحمه الاول وااسوا هتكلم عليه مع االصور
اللحمه لازم تكون كوبسه
1 متقطعه رفيع والقطع ولا كبيره فتكش كتير ولا صغيره فتلم علي نفسها
2 مفيهاش عروق كتير ولو فيها جلد شيليه
3تتدق كويس جدا جدا جداااااا
اللحمه يا جماعه تكون من مكان موثوق منه
لاني لما اتجوزت جوزي كان ببجيب البفتيك من اللحمه االمجمده كان مش حلو وكله عروق وكان بيفصل مني مهما اعملله
وكنت اعد اقول لجوزي والله عند ماما مكنش بيعمل كده
والله بعرف اعمله بس مش عارفه في اي
بعدها جربنا منتجات االجيش اللي بتتباع في منافذ ااجيش
في الاول كانت حلوه اوي وبتطلع ممتازه بعد كده بقت كلها عروق وجلد وبقت متتخيرش عن المجمده
ولاني كنت عايشه في مدينه من المدن ااجديده مكنش في جزارين
غير واحد والحمته كانت كبيره وغاليه اوي استغلال بقا
فجبت من السوبر ماركت نوع اسمه الوطنيه هو قاللي برده انه تبع مجازر ااجيش
بس بصراحه هااااايل وماشيه عليه بقالي سنييين هو اغلي 5 جنيه من بتاع الجيش
بس الفرق كبير ده لحمته ممتازه
ندخل ع المهم
جبت اللحمه وبعد ما فكت دقيتها كويس
الحتت ااكبيره قسمتها نصين وشلت اي حتت جلد في الجناب
التتبيله
بصلايه كبيره وطماطمايتين في الخلاط او الكبه
انا بعملهم في الخلاط
عليهم خل او ليمون وساعات بحط الاتنين
وملح وفلفل وكمون
في ناس مبتحبش تحط ملح عشان اللحمه تستوي بسرعه
بس اولا الملح ده بيخلي الحاجه تشرب الطعم وطعمها وحدقها يبقا احلي
ده شكل التتبيله بس بعد ما كنت شيلت البفتبك منها اعذروني صور الدق والحاجات دي لما جيت انزل الموضوع ملقتهاش
بعد كده بتعمليه في بيض عليه معلقه لبن لو مفيش مش مشكله
وبتتبل الببض بالملح والفلفل وبعدها ع البقسماط وتضغطي عليه كويس اوي وانتي بتعملبه في البقسماط
وترصيه مفرود في حاجه زي الصوره اللي فاتت والما تيجي ترصي علبه بفتيك تاني حطي بينهم ورق زبده او اكياس عادبه اي حاجه بين الرصه والرصه عشان في الفريزر ميلزقوس في بعض والبقسماط يتشال
وبعدهحطي الليله دي كلها في كيس وع الفريزر مش اقل من سااااعه عاوزه تزودي خير وبركه
نخش علي مرحله ااسوا
الزيت يكووون ساااااااخن حلو
واول ما تحطي البفتبك
تهدي النااااار خاااالص
عشان اللحمه تستوي كويس من غير البقسماط ما يتحرق
لو حمرتيه في نار عاليه هتلاقي تلبقسماط من بره شكلو استوي او اتحرق واللحمه جوه لسه بتشد ونيه
ولو لقيتيه بدا يقب لفوق ويعمل هرم اقلبيه ع الوش التاني واضغطي عاليه بالماسك عشان ميقبش
شايفين المجهود االجبار بتاعي بشتغل بايد واصور بايد وكان ممكن الموبيل يقع في الزيت وهو لسه جديد .. مجهود مجهود يعني
والرغاوي والبقاليل دي طبعا من البيض اللي بيبقا فيه
هتفضلي تقلبيها كل ناحبه شويه علي نار هاديه عشان اللحمه تستوي ومتبقاش بتشد والبقسماط ميتحرقش
وشوفي بقا اول كام واحده طلعو
حتي الحتت اللي اتتنت ودخلت اجوه او لولوت متنيه وعلبها بقسماطها مفيش حاجه وقعت
شفي يا فتوكه من قريب
ياحلاوتي
يااااارب يكون اي حد ااستفاد اي حاجه لاني حاولت اشرح بالتفصيل المملللللل
واللي مش عاوزه تقيم
متستخسرش فيا دعوه من قلبها
في امان الله مواضيع هذا القسم برعاية
مدام.مني مدام.مني 949554_1.gif فتكات هايلة Fatakat 949554 الشرقيه – مصر