فتوكاتى القمرات وحشتووووووووووووووووووووتى موووووووووووووووووت
كل سنة وانتم طيبين ويارب السنة الجاية تبقى احلى
النهاردة جيبالكم وصفة سهلة جدا وبسيطة وما بتخدش وقت وهى البطاطس المطبوخة
انا بعملها بطريقة جميلة وطعمها لذيذ جدا
المقادير :
3بطاطس صغيرة
بصلة صغيرة مبشورة
فصين توم
ملح
فلفل
كوب عصير طماطم
مكعب مرق خضار
لحمة مسلوقة نصف سوى
الطريقة :
نشوح البطاطس المقطعة مكعبات فى معلقة سمنة بلدى التشويح دة ما بيخليش البطاطس تتهرى
وبتفضل محتفظة بشكلها
بعد كدة ندعك البصلة المبشورة بالملح والفلفل ونحطها على البطاطس
ونديها تقلبتين ونحط فصين التوم
بعد كدة نحط اللحمة
بعد كدة نحط عصير الطماطم ومكعب المرق
لو معندكيش طماطم حطى معلقة صلصة وزوديها شوربة
وسيبيها تستوى على نار هادية جدا
ودة شكلها النهائى
بتمنى الوصفة تكون عجبتكم
واخيرا وليس اخرا بحبكم فى الله
ومستنية ردودكم وتعليقاتكم على موضوعى
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر