وحشتووووووووووووووني وحشتوووووووووووووووني يا اغلي فتوكات بجد
غيبت عنكم شويه معلش اعذروني وادعولي
بس جبتلكم موضوع جديد اتمني ينال اعجابكم ان شاء الله
وسامحوني عالتاخير انا عملت الموضوع ده ليكم من كم يوم بس عندي برد
معرفتش انزله شديت حيلي شويه قلت ادخل لفتوكاتي حبيباتي
ومبدئيا مش مســـــــــــــــــــــــــــــــــــــامحه اي حد ينقل الموضوع
زي ما عودتكم علي كل جديد اقوله ليكم بالشرح والصور
هيكون موضوعنا انهارده ان شاء الله بالشرح والصور والفيديو كمان
بس اعذروني الفيديو هنزله بكره ان شاء الله علشان الموضوع كبير
ولسه مرفعتش الفيديو علي يوتيوب
وان شاء الله هقدمه في فقره في برنامج وانزله ليكم
*****************
موضوع انهارده يا قمرات جزئين
اولا عن تقنيه البروتين
وهي التقنيه الاحدث من الكيراتين
ثانيا عن تقنيه الألتراسونيك
وهي تقنيه جديده وخطوه مفيده جدا في الكيراتين والبروتين
وهنشوف ان شاء الله التقنيتين بالصور والشرح
****************
يعني ايه بروتين 000!
البروتين تقنيه حديثه في علاج ونعومه وفرد الشعر
والبروتين فيه ماده اسمها (سيستين)
الماده دي هي الماده اللي بتتحكم في نعومه الشعرايه
بمعني كل ما تزيد الماده دي تكون الشعرايه ناعمه
كل ما تقل هتكون الشعرايه مجعده اكتر
ميزه البروتين كمان انه لا يحتوي علي فورمالدهايد
واذا كان الكيراتين بيعالج التقصف والهيشان ويديكي نسبه فرد
البروتين هيعالج التقصف والهيشان ويديكي( نسبه فرد نظرا لاحتوائه ماده سيستين )
ويملي مسام الشعرايه ويعوض كل ما تفقده الشعرايه من جفاف او نسبه الترطيب المطلوبه للشعرايه
اللي فقدتيها من خلال الصبغات او البحر او حراره الفير والسشوار 0000وهكذا
يعني بمعني اصح هو تقنيه تحديث للكيراتين
البروتين بيجمع اكثر من فائده لشعرك
لانه بيكون فيه كيراتين وهو اللي بتتكون منه الشعرايه وبيحافظ علي شعرك من التقصف والهيشان
وبروتين كولاجين اللي بيزود مرونه الشعر وحجمها وبروتين حرير اللي بيساعد علي افضل مستوي لليونه الشعرايه
وبروتين القمح اللي بيساعد علي ترطيب الشعرايه ويزود قدرتها دائما علي تجديد واستقبال الترطيب
وبروتين اللؤلؤ اللي بيجعل الشعرايه لامعه وصحيه
واحماض امينيه بتخترق الشعرايه وتحافظ عليها وتجعل مظهرها صحي ومتين ولا يوجد به تلف ولا تقصف
*****************
مش عاوزه اطول عليكم اكتر من كده منعا للمل
اتفقنا البروتين تقنيه حديثه تطور للكيراتين ولا تقلل من الكيراتين في شيئ ولكل البروتين يتميز ببعض مميزات اكثر
*********************
التقنيه الثانيه الالتراسونيك
************
مكواه الشعر الالتراسونيك
الالتراسونيك يا قمرات تقنيه حديثه رائعه
بتستخدم مع الكيراتين والبروتين وماسكات الشعر
هي مكواه شعر بموجات فوق صوتيه بتدمج الكيراتين او البروتين او الماسك اللي هتضيفيه عالشعر بتدمجه في كل طبقات الشعر
لحد من قريب كانت طريقه الكيراتين المعروفه بعد وضعه عالشعر وتركه الوقت المطلوب
كان بيحصل كالاتي نستخدم السشوار وبعدين البيبي ليس
لكن دلوقتي وعلشان التكنولوجيا والعلم لم يتوقف بعد وضع الكيراتين او البروتين وتركه الوقت المطلوب
هنستخدم الالتراسونيك لانها هتشرب طبقات الشعر كلها وتوصل لمسام وفراغات كل شعرايه علي حدي
كمان الالتراسونيك بتحافظ علي لون الشعر لو مصبوغ وبتزيده بريق ولمعان
بتخلي الشعر حيوي جدا وبيلمع وبيكون فيه سلاسه
علشان بتساعد في تشريب المنتج في كل شعرايه بتديكي سمك اتقل للشعرايه لانها بتكون استفادت صح
بتساعد في علاج الشعر التالف وتجعله افضل مما كان عليه بكتيييير
وعلي فكره هي مش بتسخن هي بتشرب المنتج ايا كان كيراتين بروتين ماسك للشعر عن طريق الموجات فوق الصوتيه
وده اللي هتشوفوه فالصور والفيديو
وطبعا كده بتوصلي لنتيجه افضل عن طريقه الكيراتين القديمه اللي هي البيبي ليس والسشوار فقط
وبعد ما بتخلص خطوه الالتراسونيك هنستخدم السشوار والبيبي ليس عادي
بس الشعر هيكون استفاد بدرجه فائقه من المنتج
والسشوار كمان هتستخدميه من بعيد او خفيف جدا
لان الالتراسونيك هتكون شربت المنتج بنسبه حوالي 80% للشعرايه
شربته بالموجات وليس بالحراره
************************
شرح موجز وملحوظه
***********
لو اتفقنا ان البروتين تقنيه حديثه وتطور للكيراتين (اوكي)
لكن مش هنتفق ان الطريقه القديمه للكيراتين افضل من الطريقه الحديثه وهي الالتراسونيك
لان معدل تشريب الشعرايه وملئ مسامات وفراغات الشعرايه للمنتج افضل بكتير من الطريقه القديمه
ومش هتقدري تحكمي الا لو جربتي قبل كده كيراتين او بروتين بالطريقه القديمه وجربيه دلوقتي بالاتراسونيك
**********************
يلا نشوف مع بعض
البروتين والالتراسونيك بالشرح والصور
بس اصبرو عليا علشان هما 33 صوره ماشاء الله هنزلهم ورا بعض
ده شكل الشعر قبل
يتبع
فتك تك فتك تك 178039_5.gif ●۩ساسو خبيره التجميل۩● Fatakat 178039 اسكندريه _ القاهره – مصر