النهارده جبتلكم طريقتي في الرز البسمتك المفتكس بتاعي بالكبد والقوانص
ياارب يعجبكم ومش عايزة تعييييييييييب هااااااااا أنا قولتلكوا أهواااا أحسن
دي أول مرة وعايزة أعرف أنفع ولا لا
اول حاجة يا فتوكاتي كاتي
الطلبات
الرز طبعاا ونغسله كويس ونسيبه يتنقع حوالي نص ساعة
وطبعاااا الكبد والقوانص ونقطعها قطع صغيرة
و4 طماطم هنعصرهم
وبسلة وجزر متقطع
وملح وتوابل وفلفل أسمر ونعناع
نجي للطريقة
الاول هنحط الكبد والقوانص علي نار وتنزل الماية بتاعتها لغاية ما لونها يبقي طبيعي كده
وبعدين نحط البسلة والجزر ونقلب كويس وبعدين نحط عصير الطماطم
ونحط الملح والتوابل والفلفل الا سود ونقلب ونسيبها تتسبك كويس
وبعدين نحط الرز بعد مانصفيه من مايته ونقلب كويس لغايه ما يندمجه مع بعض
وبعدين نحط الماية مش كتييييير أوي بس برده مش زي الرز العادي يعني معقول كده يغطيه بشويه كتييير
ونسيبها علي النار لغاية ما تستوي
وبالهنا والشفا يا فتوكات
نيجي للصور ركزوا معايا