السلام عليكم ورحمة الله وبركاته يا احلى فتوكات
كل سنة وانتوا طيبين وبكل خير ويارب شم النسيم يكون احلى السنة دى علينا كلنا
بصوا بقى انا عندى شوية افكار لاكلات غير الرنجة والفسيخ هتقولوا هو ينفع شم النسيم من غيرهم لا طبعا ماينفعش انا بس بقول فيه ناس ممنوعة من الموالح والحوادق الجامدة دى او فيه ناس مش بتحبهم عشان كدة قولت افكارى دى يارب تعجبكم
ممكن نعمل بطاطس محمرة وعليها رشة ملح صغننة ومعاها لانشون فراخ وممكن تعملى جبنة فيتا بالطماطم والفلفل الاخضر وممكن تعملى بطاطس مهروسة بالزبدة والطحينة وممكن بسطرمة بالبيض وفول بالتوم وممكن عجة ومينى بيتزا مشكل جبن وممكن جبنة مقلية وعندك تونة ضيفى عليها بصل وخل ولمون وعيشى حياتك وممكن سلامون وممكن سردين مقلى او فى صنية بالفرن وفيه بطاطس محمرة ونكون مقورنهاونحشيها تونة طعمها خطير
وممكن جبنة بيضة تحطى عليها زيتون مقطع وفلفل اخضر وتضيفى عليها زيت ذرة وطحينة
وممكن مسقعة طبعا معظمنا بيموت فيها
وممكن تعملى فطير بالجبن والسجق
او فطير بالجبنة واللانشووون
وعندك لحمة مفرومة تبليها وشوحيها واحشى بيها البطاطس المحمرة ونكون مقورنهاودخليها الفرن تاخد وش دهبى وتقرمش
وحمرى عيش فى زيت نقى حيطلع مقرمش ويجنن
وممكن تعملى فول باللحمة المفرومة وخدعيه كويس
وبيض مقلى بالزبدة وجبنة فلامنك شرايح
وممكن بلوبيف بالفلفل وممكن شكشوكة كمان
كل دول اكلات للفطار او للغدا كتغيير من اللحمة والفراخ والطبيخ المعتاد بتاعنا دة
ابدعى بقى يا فتوكة انتى وهيا ولونى البيض وارسمى عليه وتفننى فى اليوم دة وفرحى نفسك وبيتك
وطبعا الرنجة والفسيخ ليهم طرق كتييير معروفة عشان كدة ماقولتهاش انا حبيت اقول الاكلات التانية للى مش هياكلهم
وكلمة اخيرة لكل واحدة مش هتاكل رنجة ولا فسيخ فيه بدايل كتييير عندك التونة والسلمون والسردين وفعلا لا ضرر ولا ضرار وكل سنة وانتوا بكل صحة وعافية
واللى عندها افكار كمان تقولنا يا حبايبى مواضيع هذا القسم برعاية
mood of seniorita mood of seniorita 1240396_1.gif فتكات حبوبة Fatakat 1240396 الاسكندرية – الاسكندرية
سبحان الله و بحمده