انا مش هاقولك امشى على نظام غذائى لانه مش هينفع لوحده
ولا هاقولك اعملى رياضة لانها مش هتنفع لوحدها
اهم شئ انك يكون عندك عزيمة
لان اللى هاقوله هياخد وقت بس مش كتير ممكن شهر على حسب ارادتك انتى
ومن هنا هنبدا كلامنا
انا كان بيقولى عليا صاحبة الوزن المثالى لان طولى 162 ووزنى 60 يعنى ده افضل وزن
وكله كان بيحسدنى عليه
وبعدين تغير كل ده بعد الجواز
بقيت 75 كيلو
واتضايقت قوى لانه جوزى كان كل شوية يقولى انتى وزنك زاد
فحطيت فى بالى انى لازم انزل
وارجع كما كنت
بقيت باكل عادى زى ما انا عايزة بس اهم حاجة تمضغى على مهلك
عشان تكون الوجبات قليلة تاكلى التلات وجبات بتوعك عادى
بس اهم حاجة العشا ما يكونش قبل ما تنامى على طول
وتعملى رياضة عادى فى البيت
على الاقل نصف ساعة
ومش شرط تجهدى نفسك بس المهم تمشى على النظام ده كل يوم
اول ما تصحى تعملى الرياضة وبعد كده مشى اليوم طبيعى زى ما انتى عايزة
انا عمتا لما عملت كده بقى وزنى 65 فى شهر واحد ولسه مكملة
اصل مش مهم السرعة اهم حاجة ان الواحد يحافظ على نفسه من اى ضرر
عشان تحسى فعلا براحة نفسية وانك بقيتى رشيقة
ومش مهم الوقت لاننا مش هناخد جايزة يعنى مين هتخس الاول او اسرع يعنى
اهم حاجة نوصل للى احنا عايزينه
صح
ومستنية رايكم فى اللى قولته
as_20161030 as_20161030 256081_1.gif فتكات نشيطة Fatakat 256081 القاهرة – مصر
سبحان الله و بحمده