السلام عليكم ورحمة الله وبركاته
انا دى اول مرة اكتب موضوع بعد اشتراكى فالمدونة ونفسى بجد تفيدونى وانا واثقة انكم مش هتكسفونى وهتردوا عليا
انا زوجى عايز يشترى بوتاجاز بالكهرباء بدلا من الغاز احنا قاعدين فالسعودية بس انا مصرية
كل ده علشان زوجة واحد صاحبه فى الشغل اللهم ما اشفيها يارب هب فيها البوتاجاز
بس الحمد لله ربنا سترها عليها وكانت مجرد لسع مش حرق
فزوجى من وقتها وطلعت فدماغه انه يغير البوتاجاز ويجيبه بالكهرباء وانا معرفش عن البوتاجاز ده اى حاجه
لا مميزاته ولا عيوبة ولا اى حاجه عنه وخايفه اطاوعه واجيبه يطلع الحاجه وحشة ومعرفش اتعامل معاها
وبعدين انا بخاف جدا من الكهرباء وده من عقدة عندى زمان وانا صغيرة اتكهربت ومن ساعتها وانا بموت من اى حاجه بفيشه
فأرجوكم بالله عليكم ال عندها البوتاجاز الكهرباء تفيدنى بتجربتها معاه وتقولى كل حاجه عنه وخصوصا فالكيك والمخبوزات وطبعا الفرن كله بصفه خاصة مواضيع هذا القسم برعاية
ام حمودي ورؤي ام حمودي ورؤي فتكات نشيطة Fatakat 236817 الرياض حاليا الله اعلم – المملكة العربية السعودية