السلام عليكم ورحمة الله وبركاته
دة اول موضوع ليه كان نفسى يكون احسن من كده بس والله ربنا اعلم بى وبامى وبابا وزوجى وحماتى وحماى نفسى افرحهم
اسال الله ان يفرحهم جميعا انه على كل شىء قدير
انا هدخل فى الموضوع وارجو من اى واحدة عندها معلومةتفيدنى بها ولوسمحتم اسالو الدكاترة بتعكم وربنا يكرمكم
والله انا تعبانة وتايهة
انا متزوجة بقالى سنتين وشهر تقريبا
وحملت اول مرة فى شهر وبعدين حصل اجهاض ومعرفناش السبب وبعدين سبت الدكتورة وروحت لدكتورة تانية وحملت تانى شهر ونص او شهرين وحصل اجهاض عشان الحمل ضعيف وبعدين روحت لدكتور وحملت ودخلت فى الاسبوع التانى من الشهر الثالث ولم يظهر النبض
وقال الدكتور لازم ننزل الجنين لانه هيفضل كده وعملت اشعة تليفزيونية وقالوا ازاى النبض لم يظهر لحد دلوقتى وعملت اجهاض
الحمدلله على كل شىء
بس احنا مش عارفين ايه اسباب عدم وجود النبض نفسى اعرف السبب والعلاج واخده
لكن كدة احنا متحيرين وكلنا تعبانين وانا مش عارفة اعمل ايه ؟؟؟؟؟؟؟؟؟؟؟؟؟
دلوقتى انا حامل للمرة الرابعة فى اخر الشهرين ولان الدكتور قال انى عندى تجلط فى الدم فى الرحم (ربنا يحفظكم)وده بيحصل فى الحمل وبيبقى الدم اللى واصل للحمل مش كويس فلازم ااخد برشام مانع للتجلط وحقن كمان تمنع تجلط الدم تحت الجلد
واخدت العلاج وفى الاول حصل تقدم فى الحمل
لكن امبارح نزل منى نقط بنى وقبلها ظهرى كان وجعنى بالم شديد
وروحت للدكتور وعمل سونار وقال النبض لم يظهر وان الحمل ضعيف وكمان الاهم البنى ده يبشر بالاجهاض
وقالى وقفى الحقن وتعالى الاسبوع الجاى
بس من خبرتى بالاجهاض حاسة انه هيحصل قبل ما اروح للدكتور لانى ظهرى وجعنى والنقط البنى مستمرة
والله الحمدلله
انا بس نفسى اعرف ايه سبب عدم ظهور النبض عندى وايه العلاج
ولو عندى مشاكل ايه هى
وليه بيحصل تكرار فى الاجهاض
محدش يتخيل انا بتعذب اد ايه من شدة الالم فى الاجهاض نفسى ربنا يشفينى من اى مرض وارتاح
ارجوكم اسالو لى ايه سبب عدم ظهور النبض لو سمحتم متنسونيش انتم متتخيلوش حزن امى وابى وحماتى وزوجى وحماى
لكن طبعا كلنا عارفين ان اللى ربنا يريده كله خير والحمد لله على كل شىء
وانا اسفة عشان طولت عليكم
وجزاكم الله خيرا
amrmarzok amrmarzok 258746_7.gif سوبر فتكات Fatakat 258746 الاسكندرية – مصر
سبحان الله و بحمده