السلام عليكم ورحمه الله وبركاته معلش حطول عليكم بس الله يخليكم حد يفيدنى ولو سمحتو من غير تجريح انا من فتره طويله شكيت ان ولدتى نتتكلم فى التليفون كتير حاولت ابحث وراها لقيت رقم غريب محطوط فى قائمه احسن ناس وهو ده الرقم اللى بتكلمه وبتمسحه وفى يوم كنا معزومين عندهم وانا نزلت رحت الكوافير وزوجى كان نايم وسمعها بتتكلم فواجها وقالها انتى بتكلمى مين قالتله عمك وبعد مواجهه بنهم قالتله ان ده واحد بيعاكس وعجابنى صوته ومش حتتكرر تانى والموضوع اتقفل على كدة وبعد فتره اختى جت عندى واختى دى صغيره وهى بتحب ان هى تفضفض مع زوجى وكلمته ان ماما بتضربها وبتزعقله علطول وفى نص الكلام قلتلو انا اعرف حاجات عنها لو اقول لابويه يضربها وقالتله ان هى بتكلم واحد فقررنا نراقبها لان فى المشكله الاولى زوجى اخد منها الخط وعطاها خط تانى والخط ده كان باسمه وهو المتحكم فيه اتصلنا بالشركه وجبنا كل الارقام ولقينا ان فيها رقم فعلا متكرر والمكلمات طويله الكلام ده كان فى شعبان وف نصف رمضان ابتدت يجيلها رسايل وتبعت رسايل للرقم ده بعد كده ققرنا اننا نقول لبابا فقلناله اللى حصل بالظبط وهو قال انى حراقبها علشان انتم متتكرهوش وتخوشو فى مشاكل واتفجئت بعد يومين انه واجها وضربها وهى نكرت وكنا بنتصل على الرقم مش بيرد وبعد المشكله الرقم اتقفل وبعديها بكام يوم الرقم رد وردت واحده بتقول ان هى اسمها كده وان هى صاحبتها من الجامع بابا سجل المكالمه وسمعها لى لقيت ان كلام الست دى متناقض تماما مع اللى كان بيحصل اقربها ان هى بتقول ان هى تعرف ماما من اول رمضان واحنا معانا الرقم من اول شعبان وكانت بتسن كده فى الكلام واحيانا مش عارفه ترد وفى الاخر بابا طلعنى انا وزوجى غلطانين ومتعرفوناش تانى وبعديها انا وجوزى قلنا لبعض ان كل واحد حر وان احنا حتى لو حاولو يشهدونا حنقول ملناش دعوه وبعديها بكام يوم لقيت بابا عندى هنا بيحاول يبراها بس للامانه الادله مش مقنعه وهو مش مقتنع غير بالى هو بيقولو ومش عايز يسمع حد قلنا ملناش دعوه كل واحد حر احنا نصالحهم وبعد كده المعامله تبقى سطحيه واتفقت ان انا حروح عندهم بكره واصالح امى وخلاص وماليش دعوه بحاجه بعد كده هى مردتش تصالحنى وبابا بدل مايهدى الموضوع شعلل الموضوع اكتر وهى ماكنش فى رد ومحاولتش ان هى تواجهنى انا وجوزى وحسيت ان ابويه استفرض بيه واعدت يشتمنى ويدعى عليه وعلى عيالى وعلى جوزى ولقيت حالتى النفسيه وحشه اوى جوزى حاول على اد مايقدر ان يطلعنى من الحاله دى وبعد كده اعد يوم متصلش ببابا وبعد كده اتصلت لقيته برده زى ماهو وانا اهدى فيه وهو زى ماهو انا بقى بصراحه كده بقيت مش مستحمله كتر الدعا على عيالى وجوزى دا قالى ان هو كان جاى يموتنى انا وجوزى وورانى السكينه اللى كانت معاه بصو انا دلوقتى اقتصرت ومش بتصل بيهم ولا هما بيتصلو بيه انا مش عارفه اعمل ايه فيدونى الله يخليكم انا متكلمتش غير لما تعبت
m.mm m.mm 727232_1.gif فتكات رائعة Fatakat 727232 اسكندريه – مصر
سبحان الله و بحمده