النهاردة بس الدكتور حدد لى السبت صباحا للولادة..وانا من اول حملى وكل قرايبى حالقين لى ..والدتى متوفاة وحماتى وماعنديش اخوات بنات ولا جوزى ولا ابويا ولا أمى عندهم اخوات ستات..المهم كرامتى نقحت عليا وماكلمتش حد على معاد ولادتى الا اللى بيسألوا عليا وحتى دول ساكنين بعيد وبيشتغلوا وبيقولوا لى ..هنحاول نجى لك..المشكلة مش انا وبس..لا فى بنتى لسة صغيرة عندها سنة و9 شهور ومش عارفة اعمل ايه معاها الا انها تبقى فى عهدة ابوها وربنا يهديها..محتاجة منكم تدعوا لى من قلبكم ربنا ييسر لى ولادتى ويهون عليا وعلى بنتى الايام اللى جاية..انا تعبت اوى فى ولادتى الاولى مش فى الولادة نفسها الحمد لله لكن من الايام والشهور الاولى لكن ربنا أعاننى من عنده والحمد لله..المرة دى برضه رامية تكالى على الله عشان المرة دى معايا بنتى كمان غير البيبى اللى جاى..دعواااااااااتكم.
نيرمينهشام نيرمينهشام فتكات رائعة Fatakat 324001 القاهرة – مصر
سبحان الله و بحمده