السلام عليكم
انا حبيت انقلكم تجرتى والى شفتو بعينى وربنا هيحاسبنى على كل كلمه بقولها انا جوازى قرب ان شاء الله وكنت محتاره اجيب العفش منين يكون عفش مودرن وحلو وفى نفس الوقت مش غالى اوووووووووى المهم يابنات كل اما ادخل ادور فى فتكات على الاماكن الحلوه الى اروحها الاقى طبعا اراء مختلفه حتى دميييييييييييياط شككتونى فيها حد يقول اه العفش هناك يجنن وحد يقول لااااااااااااااا ده الطريق وحش والعفش يقرف طب يجماعه ايه رأيكم فى المناصره ؟بردو محدش يريحك ده يقول وحش وده يقول حلو لقيت نفسى هتجنن ومشلقيه حد يقولى على مكان الكل يتفق عليه انو حلو علشان اروحو من غير لف بعد كده قلت لنفسى ياعنى هى المناصره دى بعيده عنى قد ايه؟دى فى العتبه والحمد لله المواصلات والمترو بيسهلو كل شئ روحت خدت خطيبى وروحنا بصو بقى اولا البنات كلهم هنا بيقولو ان العفش هناك برخص التراب انا بقى بقولكم ان العفش هناك فى غالى وفى رخيص ياعنى وانتى راحه متتوقعيش انك تلاقى الكل هناك بالاسعار الى اتقالتلى هنا غرفه اطفال ب3 الاف وكده يعنى لا ياحبيبتى بصى لو عوزه حاجه رخيصه والناس هناك بكل صدق بيقولولك ده صينى وبيكون رخيص وطبعا شكلو تحفففففففففففه والله شكلو عامل زى الموديلات الى بنشوفها فى المسلسلات التركى حتى لو مافيش اى شئ عجبك من المعروض بيديكى كتالوج بيقولك اختارى واحنا نبعت نجيبو بس صينى ولو عوزه حاجه تكون فعلا متينه وتعيش معاكى بيقولك المصرى اغلى وانظف شئ سعر غرفه الاطفال المصرى كانت بتبتدى من 7الاف ونص
نفس الشئ فى غرف النوم الرئيسيه المصرى غاااااالى بس حلو متقدريش تشيلى الكومود من مكانو والسفره بردو منزلين حبه سفر بجد يجنننوووووو تحفه والله العضيم دى السفره من دون النيش كانت ب6 كراسى الصينى بالف وكسور والتركى ب2 وكسور والمصرى ب3400ج تعالى بقى شيلى الكرسى الصينى فى ايدك تحسى انك شيله كرسى بلاستك طب شيلى التركى تحسى انك شيله كرسى بلاستك وعليه مثلا كتاب الكرسى المصرى بقى ياسلالالالالالالالام والله مقدرت اشيلو حتى شكلو احلى واشيك بكتييييييير نيجى بقى الانتريهات والركن بتبتدى من 2500بس بصراحه شكلهم باين ان حتى التقفيل بتعهم مش قد كده حتى البايع بيقولك عوزه حاجه عاديه ولا حاجه تعيش معاكى ؟ لو كان ردك لا عوزه حاجه تعيش معايا بيخدك يطلعك المعرض بقى هتحسى ان الى انتى اتفرجتى عليه بره ده مكنش شئ اصلا حاجات فخمه بجد والتقفيل تحححححححفه والقماش يجنن وحاجه بجد اخر شياكه واناقه ودول بقى بيبتدو من 6000ج وانتى طالعه لحد 12017ج خلاصه الموضوع ان هناك هتلاقى كل شئ وكل الى انتى عوزاه متسمعيش كلام حد ووانزلى شوفى ولفى بنفسك وهاتى على قد الفلوس الى معاكى ممكن 20 الف يجيبولك اربع غرف وممكن يجيبولك 2 ودى حاجه ترجع لزوقك وحالتك الماديه وربنا يااااااااااااارب يفرح كل البنات ويكرمكم الزوج الصالح اتمنى اكون فيدتكم ولو بأى شئ بسيط
ومتنسوش بقى التقييييييييييييييييم علشان مزعلش
فى رعايه الله
سنيوريتت محمد سنيوريتت محمد 631069_5.gif سوبر فتكات Fatakat 631069 الجيزه – مصر