السلام عليكم يا احلي فتوكات واحلي مساء ع الناس الكويسة اما بعد
دايما بتجيلنا اوقات بنزهق من الروتين والطبيخ ونحتار نعمل ايه انهاردة انا جبتلكم وصفة سحرية لاكلة سريعه وشهيه ياسلام ع الشعر المهم الوصفه دي من تاليفي فلو فيها اي حاجة مش خلوة بنسبلكم ممكن تغيروه فيها نبتدي بقي بالمقادير بس دي تكفي شخصين:
نص كيلو فراخ بانية مقطعة مكعبات صغيرة ولو عندك عزومة طبعا يبقي ضعف الكمية
فلفل اخضر ولو تحبوه يبقي فلفل الوان
بهارات -فلفل اسود -ملح -كمون-كاري ممكن نضيفه وممكن لا
طبعا معلقين سمنةوعليهم ملعقة زيت
2 فص ثوم
بصل مقطع قطع
واخيرا ممكن تضيفه صلصه وممكن لا بردوه
نبتدي بسم الله بتوليع النار ونحط السمنة والزيت والثوم لحد ماتاخد لون دهبي كدا وتروحي حاطة ملعقتين كمون صغنين وتستني ثواني وبعدين تتضيفي الفلفل سواء الاخضر او الالوان ومعهم البصل وتقلبي لحد مالونهم يدبل.
وبعد كداضيفي الفراخ المتقطعه وبهاراتك بقي الملح والفلفل والكاري وشوية مية صغنين وقلبي قلبي
وسيبها بقي ع نار عشر دقايق لحد ماتجسي ان الفراخ بدأت تستوي تروحي ضايفة الصلصه ده لوعاوزاها كدا وملعقين خل كبارواطفي النار وسندوتشاتك بقي وشوية بطاطس مقلية وياريت جربوها وادعوولي
وقولولي ايه رايكم مواضيع هذا القسم برعاية
hmdftm hmdftm 779308_1.gif فتكات حبوبة Fatakat 779308 الاسكندرية – مصر