بسم الله الرحمن الرحيم
كلنا بنزهق من العشا التقليدى وبنحب التجديد فيه
عشان كده انا بحب ابتكر فيه
والنهاردة جيبالكم طريقة البطاطس البوريه من مطبخى وطبعا بالصور
نبدأ
هنعوز حوالى نص كيلو بطاطس
وكوباية لبن
و هنعوز جبنة براميلى
وحتة سمنة بلدى – لو مفيش يبقى زيت نباتى –
وملح وفلفل اسود
بالنسبة للطريقة
اول حاجة هنقشر البطاطس ونغسلها كويس اوى
ونسلقها فى مايه بملح لغايت لما تطرى خالص وتستوى تماما
ونهرسها علطول وهى سخنة عشان تبقى سهلة فى الهرس
و بعدين نحط البطاطس فى طاسة كبيرة او فى حلة
على نار متوسطة
ونحط على وشها حتة السمنة
ونقلب لغايت لما تسيح فيها ويمتزجوا كويس مع بعض
بعد كده ننزل باللبن تدريجيا
مع التقليب المستمر
لغايت لما يبقى قوامها طرى خالص
انا هنا عملاها غليظة سميكة شوية لكن هى المفروض اطرى من كده كمان
وبعدين نظبط الملح والفلفل الاسود
ونفتفت عليها حتت جبنة براميلى ونقلبها فيها – وهى لسه على النار-
بعد كده نطفى ونغرف
والمشاركة الجاية ان شاء الله صور التقديم
لو عجبكم الموضوع لا تنسوا التقييم
مواضيع هذا القسم برعاية
القطرات الندية القطرات الندية 974782_7.gif سوبر فتكات Fatakat 974782 القاهرة – مصر