ازيكم يا قتوكااااااااااااااااات
اول مره اكتب فى القسم ده
واتمنى وصفتى تعجبكم
وده هيبان من تقيمكم ليها
انا بعمل رز معمر كل اللى داقوه منى بيسالونى عن طريقته
فانا قولت بقا لازم كمان اخواتى الفتوكات يعرفوا طريقتى فى الرز المعمر
هنبدء على طووووووووووول ونقول المقادير والطريقه
المقاديييييييير :
1 و1/2 كوب رز
1 معلقه سمن بلدى ((ضرورى بلدى ))
1 و 1/4 كوب حليب
جبنه رومى مبشوره
شوربه
ملح وفلفل
الحشو :
كبد وقوانص (او) لحمة مفرومه
1 ثمرة بصل كبيره
2 فص توم
ملح وفلفل
1 معلقه ك بابريكا
1 معلقه ص توابل لحمه او توابل فراخ لو كبد وقوانص
1 معلقه بصل بودر
1 معلقه توم بودر
1 معلقه ص كارى لو الحشو كبد وقوانص
2 معلقه زبده او سمن
الطريقه:
اول شى هنجهز الحشو
اول شئ هنبشر البصل ونحط عليه ملح وفلفل
ونضيف عليه الزبده او السمن وفصين التوم وعلى النار على طووووول
واول ما يدبله ننزل عليهم بالكبد او اللحمه المفرومه ونقلبهم كويس
ونضيف عليهم البصل والتوم البودر ونقلبه ونغطيهم ونهدى النار عشان يستوى فى الميه اللى بينزلها البصل
وتندمج المكونات مع بعض
واول ما تنشف الميه بتاعتهم نشيل الغطا ونضيف معلقه الببريكا ومعلقة التوابل ونشوحهم ونطفى عليهم
بنحط التوابل فى الاخر عشان رحتها تفضل فى الاكل
وادى الصور وانا بحط التوابل والببريكا
وده شكلهم بعد ماخلاص هنطفى عليهم اهو
وبكده الحشو اصبح جاهز معانا
تعالوا بقا نجهز الرز :
هنغسل الرز كويس جدا
ومعلقه السمن البلدى فى حلة صغيره على النار تسخن ونحط عليها الرز المغسووول
ونقلب لغاية ما ينشف على النار وياخد لون دهبى فااااااااااتح جدا
والصور هتوضح كل حاجه ان شاء الله
نضيف الرز ونقلب لغاية ما يبقا لونه كده او افتح شويه كمان لان الصوره مغمقاه شويه
وصلنا للون اللى عاوزينه يالا بقا نحط الشوبه يااااااادووووب نغطى الرز مانكترش عن كده
واهى صوره للتوضيح
عاوزينه مش مستوى خالص
يعنى نص سوى زى لما بنعمل حشو الطيور مش بنسوى اوى طبعا
لانه احنا لسه هندخل الرز الفرن وهيكمل سواه
اول ما يغلى هاتيه على اصغر عين عندك ووطى عليه على الاخر
وغطيه لغاية ما يشرب الشربه بتاعته
وبعد ما يتشرب خاااااالص هنضيفله كوباية الحليييييب
كوبايه بس مش كوبايه وربع
لسه الربع دوره ماجاش
وادى صوره توضيحيه
نطفى النار بسرعه بقا مش عاوزين الرز يشرب الحليب
هاتى صنيه وادهنيها وحطى نص كميه الرز اللى عملناه ده
زى كده
وهاتى الحشو اللى جهزناه وحطيه فوق الرز اللى فى الصنيه
وادى صوره للتوضيح
وغطى بقا بنص الرز اللى فاضل
وبعدين هنجيب ربع كوبايه الحليب ونرشها على وش الصنيه
ونجيب الجبنه الرومى المبشوره ونرشها على وش الصنيه
وندخلها الفرن تاخد لون فوق وتحت مش اكتر من كده
وده شكله بعد ما طلعتها من الفرن
ممكن تكون الصوره مغمقه شويه هى لونها كان راااااائع بجد
ودى صورة للتقديييييييييم
وكماااااااااااان صوره اقرب لحبيبتى اللى هتقيم
بعض الملاحظااااااات الهااااامه :
1 – ليه بقول لازم سمن بلدى ؟ لانه بيديها طعم فعلا تحفه
هو ممكن طبعا باى سمن بس مش هيديلك الطعه ده
2_ انا عملت فى صنيه كبيره شويه المفروض تكون الصنيه اصغر من كده لو عاوزاها عاليه
3_ الجبنه الرومى بتديها مزااااق مختلف وراااااائع .
انا كده خلصت يا حبايبى الفتاتيك
ارجو بقا تقدروا مجهودى وتشجعونى انى اصورلكم كل الحجات اللى بعملها
وتتركوا رد بسيط برأيكم فى الرز المعمر بتاعى
والتقييييييييييم طبعا ودعوه حلوه من قلبكم ان ربنا يهديلى ابنى ويبارك فى زوجى ويوسع رزقه ويديم السعاده بيننا
واللى اللقاء فى الوصفه القادمه ان شااااااااء الله مواضيع هذا القسم برعاية
الاميره نونا الاميره نونا 652155_7.gif فتكات رائعة Fatakat 652155 سوهاج – مصر