ازيكوا يا أحلي فتوكات و يا أحلي ستات بيوت يا رب تكونوا كلكوا دايماً بخير
انهارده هقولكوا علي طريقه حلوة قوي لو أي واحده فينا اتزنقت وبتعمل بانيه وأتفجئت إنها معندهاش فيجيتار وعامله عزومه إنهارده في بيتها وملخومه أااااااخر لخمه في تحضير الاكل يا تري تعملي إيه يا فتوكتي؟؟؟
مش هطول عليكوا أنتي تجيبي أي نوع مكرونه أنا عن نفسي لو مزنوقه بحط مكرونه مقصوصة أو اللي موجود ساعتها وتحطي شويه منهم في المطحنه أو الكبه اللي بتطحني فيها التوابل بتاعتك وتطحنيهم حلو قوي هتلاقيهم أطحنوا وبقوا زي الفيجيتار وتطحني علي أد الكميه اللي محتاجاها وممكن بعد ما تطحنيها تحطي عليهم شوية ملح وقليل من الفلفل الاسود وقليل من البهارات وتقلبي بقه يا أحلي فتوكه وهتلاقيه ولا أحلي فيجيتار أستخدمتيه…. وبيخلي البانيه مقرمش و حلو قوي ده علي فكره عن تجربه والله بس انتي يا أختي جربي ومش هتندمي .
علي فكره أنا واخده الطريقه دي من الشيف حسن علي قناة الحياة وهو قال ان المطاعم بتعمل الطريقه دي ودي أحسن حاجه للبانيه وبيبقي لونه دهبي وتحفه.
يا رب أكون أفدتكوا يا حبايبي ومتنسوش تدعولي الدعوه اللي بطلبها منكم في كل موضوع ليا وهي ( إصلاح حالي )ومتنسوش التقييم يا قمرات بااااااااااااااااي
مواضيع هذا القسم برعاية
شوشو2016 شوشو2016 images/avatars/yellowflower.jpg فتكات هايلة Fatakat 266441 القاهرة – مصر