السلام عليكم ورحمة الله وبركاته
انا طبعا بقيت اروبه في الجهاز وده بفضل الله ثم انتم ربنا يخليكم ليا
نزلت جبت اجهزتي يوم الجمعه اللي فاتت انا لسه هتجوز كمان سنه ان شاء الله بس قلت عشان متغلاش اكتر من كده جبت معظمهم على قد المبلغ اللي كان معايا
ندخل على الأجهزه
1. التلاجه
طبعا كان نفسي في LG بس غاليه عليا فجبت توشيبا 14 قدم اللي بمقبض نازله جديده
Model: GR-EF40PJ
السعر : 3050 جنيه واللي من غير مقبض كانت ب 3000 جنيه
ودي صورتها من على النت
2. البوتجاز
كان نفسي بردو اجيب يونيون تك موديل i-cook بس لقيته غلي اوي فقلت أخليني في كريازي القديم كلكهم شكرتو فيه
Model: 8900
السعر: 2375 جنيه ده 5 شعله مقاس 60*90
ودي صورته من النت متأسفه لصاحب الصوره
3. التلفزيون
جبته توشيبا 32 بوصه LED
Model: PU201E
السعر: 2490 جنيه
صورته
4. المكنسه
كان نفسي اوووووي في باناسونيك ياباني 2024 وات بس ملقتش وكمان عرفت انها غاليه
فجبت باناسونيك ماليزي 1900 وات
السعر: 900 جنيه
صورتها
5. المكواه
جبتها اناسونيك ياباني بالبخار
السعر: 370 جنيه
صورتها
6. الميكروويف
جبته شارب 33لتر 1100 وات
Model: R-340R لونه أبيض للأسف
السعر: 990 جنيه
صورته
7. السخان
جبته اوليمبيك غاز 6 لتر ب570 جنيه بس هغيره واجيب ال10 لتر أحسن والراجل كان قايلي بيزيد 100 جنيه
صورته من النت
8. المروحه
فريش بالاستاند ب245 جنيه واللي فيها دفايه كانت ب275 جنيه بس مجبتهاش جبت العاديه
صورتها
9. الخلاط وده اكتر حاجه مضايقاني
بصو انا مكنتش حابه اجيب كيتشن ماشين وقلت هجيب كل حاجه لوحدها احسن وهجيبها مولينكس لكن لما روحت للراجل مش لقيت عنده مولينكس ولقيت ميانتا-Mienta خلاط معاه مطحنه ومبشره فقلت اجيبه وبعدين ابقى اجيب الباقي مره تانيه كده كده مكنش معايا فلوس تاني فجبت الخلاط ده على اساس ان ميانتا دي الكل بيشكر فيها بس للأسف طلع المصري مش الفرنساوي
السعر 230 جنيه كان 500 وات بس بفكر ارجعه لو ينفع
صورته
وبعدين فكرت اخليه واجيب كيتشن ماشين كامل نضيف ويبقى ده استبن وخلاص ايه رأيكم؟
********************
دي كل الحاجات اللي جبتها لما اجيب الباقي هاجي اقولكم على الاسعار بردو عشان تستفادو وانا مش بغيظ حد ولا قصدي اضايق حد لما بعرض حاجتي ابدا والله وربنا يعلم انا قصدي افيدكم بالاسعار زي منا بستفيد منكم وأي واحده متقدرش تجيب حاجه وزعلت لما شافت حاجتي انا اسفه بجد بس صدقيني مش كلنا بناخد اللي عاوزينه المهم نبقى راضيين وبنقول الحمد لله ونجيب على قد اللي نقدري عليه وربنا يباركلنا فيه اكيد عشان راضيين ومش متضايقيين من قدرنا ونصيبنا اللي ربنا كاتبه لينا
a7laflower a7laflower فتكات متميزة Fatakat 677488 الجيزه – مصر