الوسم: الوردتين

تطبيبقى للبيتزا الشرقى وشكر خاص جدااااا لام الوردتين 2024.


السلام عليكم ورحمه الله وبركاته

الحقيقه انا عملت الموضوع ده مخصوص عشان اشكر العضوه الجميله صحبه الاكله الحلوه قوووووى ام الوردتين الحلوين
والى جربتها النهارده وعجبتنى جداااااااااااااااااااااااا
البيتزا الشرقى وطلعت بجد حلوه قوووووووووووى وزى بره بس بالمكونات بقى الى انا عايزها
وقولت لازم اشكرها جداااااا جزاها الله كل خير
ودى صورت التطبيق

انا عملت 2 كوبايه ونص دقيق وربع معلقه ملح ورشه سكر صغيره جدااااا دى العجينه
والحشو كان عباره عن
جبنه رومى وموتزرلا وشيدر ومكعبات طماطم وزتون وسوسيس وفلفل الوان وفلفل حامى
وبيضه على الوش مع شويه من الحشو
لان الحشو الاساسى كان فى القلب
وده لينك الموضوع الاصلى
البيتزا الشرقى بكل سهوله من ام الوردتين الحلوين

فى امان الله

مواضيع هذا القسم برعاية

ام رودى العسل ام رودى العسل 258244_26.gif ملكة فتكات Fatakat 258244 مدينه الحب – مصر ام الدنيا

سبحان الله و بحمده

البيتزا الشرقى بكل سهوله من ام الوردتين الحلوين 2024.


حبيباتى وحشتونى جداااااااااااااا بجد بئالى كتير مش عملت موضيع جديده بس عملت حاجه وقولت ارويهلكم لانى انا شخصيا بحبها قوى ومش مكلفه ذى بره واحلا جداااااااااااااا كان الشيف شربينى عملها بس حسيت انه بيعك فيها ومش بيعملها ذى الرجل الاى عندى فا انا بئه عملتها ذى ما بنشتريها من بره بالظبط واطعم كتير واوفر كتيييييييير
عملت ايه انا يا ترا عملت البيتزا الشرقى او الفطير المحشى عملتو بالجبنه وعملت قطعتيتن صغيرين لبناتى بالشكولاته النوتلا بس روعه روعه روعه واحلا من بره كتير وغنيه جدااااااااا بالجبن والطعم يلا نخش فى الموضوع
صلو على النبى صل الله عليه وسلم
المكونات
3 كوبيات دقيق وسط
ربع معلقة شاى ملح
مايه على حسب ما تلمو العجينه لينه ومش بتلزق
3 بيضات
جبنه على حسب ذوقك انا عملت نستون ومتزريلا وفلامنك
فلفل شرائح وطمطم معكبات
كوب زيت ذره وسط
زيتون شرئح
لنشون او اى لحوم عندك
وده الصوره

نبتدى بئه اول حاجه ده سهله جدا نعجن العجينه لحد ما تبئه لينه ومش بتلزق ومفهاش فرغات خالص ملساء ونقطعها كور كده هون

و نسيبهم ير تاحو ساعه ساعة احسن حاجه غطيهم وسيبهم ساعه ومش مهم تلاجه بره احسن بس لازم العجينه ترتاح
ونجى للجزء التانى انا مش بعرف استعمل نشابه فا بجيب صنيه مدوره واحط زيت على العجينه وافرد بئيدى لحد ما تبئه رقيقه خالص ولو العجينه مرتاحه كويسه مش هتتقطع ولا حاجه ونحشى بئه كل الاى عندنا ده نحطو فى النص ونربعها على بعض ونفرد واحده تانى نحط المربعه ده فيها ونربعهم مع بعض ونحطهم فى الصنيه ونفرشهم فيها ندورهم ندورهم لحد ما يبئو فطييره طبعا على قد العجينه مش تجيبى صنيه كبير وعجينه صغيره وتقولى ام الوردتين قالت نفرها كلها لالا كدهون
بس كدهون نحط عليها بيضه ونضربها مع شوية جبنه رومى وفلفل وزيتون وطماطم واى جبن تضيفها ممكن تضيفى عليه بقدونس مفروم على الخلطه ده وتحطيهم على الوش وترشى رشت زيت من فوق الفطيره ومن تحتها علشان متلزقش ونحطهم فى الفرن السخن جدااااااااا
بالف هنا هتاكلى بيتزا شرقى تحفه وطبعا ممكن تحشى اى حاجه بتفضليها انتى وده الشكل النهائى


وده كمان


وده بعد ما قطعتها

بس كده طعم جدا ولذيذ جداااا بجد متفرقهاش عن بره خالص واوفر كتير انا بجيب الاتنين دول 40 جنيه انا عملتهم ب 18 جنيه بالظبطشفو بئه وفرتو قد ايه
وفى الاخر بحبكم كلكم فى الله ادعولى بالولد الصالح عاجلا ليس اجلا
لو عجبتكم الوصفه قيمووووووووووووووو بئه متزعلونيش اكتر ما انا زعلانه


مواضيع هذا القسم برعاية

ام الوردتين الحلوين ام الوردتين الحلوين 623180_22.gif فتكات ست الكل Fatakat 623180 الجيزه – مصر ام الدنيا

سبحان الله و بحمده

تطبيقى للبيتزا الشرقى بتاعت ام الوردتين مع تكه جديده 2024.

السلام عليكم ورحمه الله وبركاته
ازيكو يا بنات يا حلوين يارب تكونو بخير وصحه دايما
كنت بلف فى اقسام الطبخ بدور عل حاجه تكون حلوة وسهله كده اعملها ولقيت الموضوع ده
https://fatakat.univanet.com/#5536591
دى بيتزا شرقى عاملاها ام الوردتين الحلوين ربنا يجازيها كل خير ويكرمها عجبتنى ونويت اجربها خصوصا انى كنت مجربه حاجه شبهها شويه اللى هى الفطيره المحشيه بتاعت الخير كله ربنا يكرمها وكانت بتعجبنى اوى وكنت بعملها كل ما يبقى عندى بواقى فراخ او لحوم مش عارفه اعمل بيهم ايه وده اللينك بتاعها
https://fatakat.univanet.com/#2633501
وجربتها بطريقه ام الوردتين وكان طعمها فعلا تحفه وجربت فيها حاجه مختلفه وعجبتنى اووووى
هى ام الوردتين بعد ما فردت العجينه وحشتها قلبت حبه من الحشو مع بيض وحطيته على الوش وانا عملت واحده كده وغيرت فى التانيه بدل ما احط بيض على الوش عملت بشاميل خفيف وقلبت فيه بردو حبه من الحشو وحطيته على الوش
والطريقه حطيت حبه زيت يسخنو فى الطاسه وحطيت عليهم معلقه كبيره مليانه دقيق وقلبت وحطيت عليهم نص كوبايه لبن وزودت مايه حبه حبه كل ما الاقيها تقلت اوى ازود شويه مايه لحد ما خلاص بقت بنفس قوام البشاميل وفوسط التقليب تبلتها بملح وفلفل وشطه
ودى الصور النهائيه

دى اللى بالبيض معلش شكلها مش متساوى بس طعمها كان جميل


ودى اللى بالبشاميل

مواضيع هذا القسم برعاية

سندريلا 555 سندريلا 555 607490_2.gif فتكات هايلة Fatakat 607490 القاهرة – مصر

سبحان الله و بحمده