صنية لسان العصفور باللحمه فى الفرن
السلام عليكم
طبعا كلنا بنكون نفسنا نعمل أكله تكوت بسيطه وخفيفه ومش مكلفه قوى
بالذات لما تبقى عندنا عزومه والظروف مش قوى لتعديد الأصناف
دى طريقه سهله وبسيطه وفى نفس الوقت مشرفه على السفره
وطعمها لذيذ ومبتاخدش وقت ومجهود
وكمان ولادك هيحبوها جدا وهيطلبوها
1- نص كيلو لسان عصور (أو كيس ونص)
2- أى كمية لحمه مسلوقه (ممكن نص أو أقل)
أو لحمه مفرومه(حوالى ربع كيلو) اللى موجود عندك
3- نص كيلو طماطم مفروم بالخلاط
4- بصله كبيره مفرومه أو مقطعه مكعبات صغيره
5- ملح – فلفل – كمون ( المقدار حسب الرغبه)
بتقدحى السمن وتحطى عليه البصل المفروم مع اللحمه المسلوقه مع لسان العصفور
وإفضلى قلبى بإستمرار لحد ما يتحمر لسان العصفور وريحتها تبقى نفاذه
تكونى مجهزه الطماطم مضروبه فى الخلاط تحطيها عليهم وتوابل ملح وفلفل إسود وكمون
وتزودى شوربه أو مايه لحد ما تغطى الكميه كويس أكتر من الرز شويه
وتفضلى تقلبى لحد ما يتشرب الطماطم
تحطيه فى الفرن على الشبكه
وتسيبيه لحد ما يتحمر الوش وممنوع التقليب
وبعدين تخرجيها من الفرن وتسيبيها شويه وتقطعيها زى المكرونه بالشاميل
وترصيها قطع فى الطباق بتبقى روعه فى الشكل والطعم وخفيفه وتغيير
وبالهنا والشفا
ومتنسوش الردود والتقيييييييييم
مواضيع هذا القسم برعاية
دوده حبيبى دوده حبيبى 431574_20.gif سوبر فتكات Fatakat 431574 سوهاج – مصر
