حبيباتى فتو كاتى حبيباتى وحشتونى يا حلوين طبعا كا العاده بحبكم فقى الله النهارده عملت عزومه صغيره لاخويا وابن خالى وكا العاده لازم اعوم الفتو كات معايا علشان انتو حبيباتى اخواتى بصو المنيو هيه عزومه سريع على فكره من غير ما احضر واله امبارح قرارت لنهارده عملتهم
المنيو
كفته بطريقه حلوه مختلفه عن الكفتات الاى عملتها قبل كده ده كفته بالجزر والفلفل الرومى والبصل
سجق بلدى بطرقتى المفضله
فراخ تكا
كبده بلدى
مكرونه
ورز بصوص الكفته
هبداء بالكفته كيلو لحمه مفرومه وجزرايه وسط بصله كبيره وقرن فلفل رومى طبعا اللحمه مفرومه هتجيبى الجزر والفلفل الرومى والبصله وعلى الكبه عدل اضربيهم مع بعض كده
ونحطهم على اللحمه المفرومه طب لو معندكيش كبه روحى للجزار اقطعى الحمه واديلو الحاجات ده يفرمهملك مع الحمه عاتى خالص
بس واخلطيهم على الحمه ومعاهم بئه بابريكا نص معلقه بهارات وفلفل اسود ملح وادعكيهم بئه مع بعض كده
بس وتصبعيهم وتدهنى الصنيه سمنه بلدى وترصى كفتتك فيها وممكن تقسميهم نصين وتشلى نصهم وتعملى نصهم ذى ما انا عملت
بصو بتئعد نص ساعه وبتستوى بسرعه وبيطلع منها صوص اوعو تدلقوه ده نعمه كبيره خديه على جنب بعد ما تخش فى السوا صبى الصوص ده فى طبق على جنب وولعى الشوايه تتحمر وبس
بس كده وطلعيهم وده شكلها
بس نخش بئه فى السجق نغليه فى مايه مغليه 5 دقاقي بالظبط ونطلعو نجيب صنيه نسخنها قوى وبعدين نحط السجق نشوحو شويه لحد ما يشرب مايتو وبعدين نعمل حفره فى النص وحط التوم المفروم فى النص كده
بس كده وقلبهم مع بعض لحد ما التوم يتحمر وحطى بئه طماطميه وقرن فلفل وفلفل اسود وبهارات والملح بس كده وهو ده الاخر
بس ونخش فى التكا حبيبتى علبة زبادى ومعلقتين صلصه و راس توم كمون كسبره ناشفه بابريكا وفلفل اسود كركم وحبة خل و
بس واتبل الفرخه بيهم ومعاهم فلفل رومى شرايح على الجنب كده وهلى الصنيه واغليهم على النار غطى الصنيه وسيبهم لحد ما يستو خالص وبعدين دخليهم الفرن وحمريها على الشو ايه بس كده
الكبده شرائح وتوم وسمنه بلدى وبهارات كمون وفلفل اسود ولمون بس تسخنى الطاسه جدا وتحطى الكبده المتبله فى الطاسه وتقلبى لحد ما تشرب مايتها وتحطى طامطمايه شريح وقرن فلفل حراء بئه او رومى برحت بس كده معليش نسيت اصوره بس هتشفوها فى العزومه
الرز بئه بصوص الكبد هتغسلى الرز وتسخنى معلقتين سمنه وتحطى الرز وتقلبى وتظطى مايتو وملحو وتسيبهم يغلو واول ما تبتدى تتشرب حطى الصوص الاى طلع من الكفته وكلى احلا رز بئه ز
ده الصوره
بس كده يارب تكونو استفدتو واى معلومه انا تحت امركم
بس امابس امانه كل الاى تشوف موضوعى ادعولى قووووووووووووووووووى من قلوبكم ان ربنا يجبر بخاطرى ويرزقنى الاى نفسى فيه يارررررررب
وقيمووووووووو برضو طبعا لو استفدتو او لو مستفدتوش برضو يلا سلام بئه مواضيع هذا القسم برعاية
ام الوردتين الحلوين ام الوردتين الحلوين 623180_22.gif فتكات ست الكل Fatakat 623180 الجيزه – مصر ام الدنيا
