الوسم: السوايل

انا عملت رجيم السوايل
بس مش اللى انتوا عارفينه

عملت رجيم السوايل بطريقتى

وعلى فكره الكميات اللى هاقولها انا كنت بشبع
قبل ما اكلها بس كنت بضطر اكتر شويه علشان سعراتى متقلش عن 500 سعر حرارى فى اليوم

كنت بفطر عصير بيور بدون سكر 2 كوب الكوب كان بيعمل 96 سعر
وعلى حسب النوع بتاع العصير طبعا السعرات بتتغير

مع 2 كوب لبن خالى الدسم الكوب كان بيعمل 60 سعر

والغدا كنت باخد كوب او 2 كوب شوربة خضار الكوب كان بيعمل 25 سعر

وهبقه اقول شوربة الخضار عباره عن ايه فى الاخر

العشا كنت بشرب كوب عصير تانى بس بختار حاجه سعراتها اقل شويه
يعنى عصير الاناناس بيعمل 88 سعر للكوب

كوب لبن او شاى بلبن وممكن اعمله بلبن بودره

كنت بجيب اللبن البودره الخالى الدسم المعلقة كانت الصغيره كانت بتعمل 25 سعر

وبحط معلقتين صغيرين مليانين فى كوبايه من غير سكر
وساعات بحط سكر دايت الكيس بيعمل 20 سعر وفى نوع عندى بيعمل 5 سعر

وبحط ميه مغليه واشربه كده او ممكن اغير علشان مزهقش
واحط كمان معلقة شاى واشرب شاى بلبن

طريقة شوربة الخضار

3 جزر

5 خيار صغيرين
طبعا مستغربين بس انا بعامل الخيار معاملة الكوسه علشان متزعلش

3 كوسه

81 كيلو فاصوليا خضرا لو موجود

ربطة كرات ونص ربطه من كل من ( بقدونس وكزبره و شبت )
بس بحطهم فى الاخر خالص علشان لونهم يفضل اخضر واستفاد
على الاقل فى الاول بالفايده بتاعتهم

حطيتهم فى ميه كتيييييير وسلقتهم جامد جداااااا بحيث انى مضربهمش فى الخلاط

وفى اخر 5 دقايق حطيت الخضره كلها والكرات

مع مكعب او 2 مرقه دجاج

وحطيت توابل التخسيس بتاعت المشروب الحارق

الى هيه ( كمون ولمون وكركم وميرميه وجنزبيل ونعناع وشاى اخضر)

كنت طحناهم وحطيتم فى صفايه شاى ونزلت تقريبا معلقه كبيره على الشوربه دى

والطعم مش باين خالص

والطعم جميل جدااااااااا للشوربه وممكن تاكلى منها براحتك

بس انا كنت بحافظ برده على الكميه علشان معدتى متتعودتش على كده

واللمون على فكره ممكن متحطيهوش فى الشوربه غير وانتى بتاكليها

وطبعا انا كنت بشرب اكتر من لتر ونص ميه فى اليوم
لان ده بيخسس جامد جداااااا
وكنت بمشى كل يوم ساعتين ساعه الصبح وساعه باليل
او اكتر على حسب الوقت
مشى عادى خالص مش سريع ولا حاجه

وكنت باخد كروماكس او شيتو كال مع الوجبات

وانا مش بخس بسرعه بعد ما خسيت

كان اكتر وزن بخسه 2 كيلو

انا خسيت عليه 3.5 كيلو فى اقل من اسبوع

اه نسيت اقول حاجه انا كنت بشرب ساعات حاجه ساقعه دايت

لما بلاقى نفسى زهقت خالص

ولما كانت نفسى بتروح لحاجه بحلف انى مكولهاش خالص

وطبعا لازم انفذ حلفانى بالله

وطبعا برده انا عكيت ده لازم برده فى اى دايت

بس اكلت ورك فرخه على 3 ايام بصراحه علشان كان نفسى فيها

انا كده خلصت تجربتى

وان شاء الله تستفادوا منها

لو عجبتكم الطريقه قيمونى براحتكم