الوسم: الدكتور

أخطاء شائعة عن الرجيم

يتصور البعض أن الرجيم هو مجرد الامتناع عن تناول الأطعمة الدسمة والكربوهيدرات أو التقليل من كمية الطعام التي يتناولها‏…‏ وقد يصاب كثيرون بالاحباط نتيجة لفشل الرجيم أو عدم تحقيق النتائج المرجوة والمشكلة تكمن في وجود عدد من الاخطاء الشائعة عن الرجيم يوضحها الدكتور محمد حسانين أستاذ التغذية بالمعهد القومي للتغذية.

ويقول: إن اتباع نظام رجيم دون ممارسة رياضة أو العكس لا يحقق النتيجة المطلوبة فيجب ممارسة الرياضة المناسبة لصحة الجسم وحسب الوزن بمعدل نصف ساعة يوميا مع اتباع نظام تغذية سليم.
والخطأ الثاني هو: قلة النوم فالجسم يفرز عشرات الأنواع من الهرمونات التي تنظم عمل الأعضاء في أثناء النوم والسهر حتي ساعات متأخرة لأي سبب يزيد من الوزن خاصة مع تناول الطعام في أثناء الليل.
والخطأ الثالث هو: الوقوع في براثن التوتر والقلق الذي يزيد من الرغبة في الأكل. وأما المشروبات الغازية والمرطبات فهي غنية جدا بالسعرات الحرارية وعليك بتفاديها فزجاجة المشروبات الغازية تحتوي علي ما بين051-002 سعر حراري. وعصائر الفاكهة التي لا يتم إضافة السكر إلي تركيبها تحتوي علي081 سعرا حراريا, ويحتوي فنجان الشاي المحلي علي051 سعرا حراريا والمشروبات المضافة إليها اللبن المحلي تزيد من احتفاظ الدهون بالجسم. والحل الأمثل يكون بتناول وجبات صحية والأكثار من شرب الماء. ويتصور البعض كما يقول د.حسانين إن الإكثار من تناول السلاطة علي سبيل المثال مثل الوجبة الرئيسية يساعد علي تقليل الوزن ولكن الخطأ الذي يحدث أنه يتم إضافة مشهيات علي السلاطة مثل التوابل والجبن المبشور ومن الاخطاء الشائعة أيضا فكرة اليوم المفتوح بعد اتباع نظام الرجيم لمدة اسبوع وذلك في نهاية الاسبوع, والذي يتناول فيها الإنسان ما يحلو له من طعام فيضيع الرجيم, وعلي من يرغب في تقليل وزنه أن يكافيء نفسه في نهاية الاسبوع بتناول الأصناف التي تحلو له, لكن بشرط الالتزام بالعدد المطلوب من السعرات الحرارية, كما أن بعض الأدوية تجعل السيطرة علي الوزن مسألة صعبة وبعضها يؤدي إلي زيادة الوزن كالانسولين. وفي هذه الحالة يتوجب علي المريض أن يسأل الطبيب عن بدائل لهذه الأدوية. وأفضل طريقة لنجاح أي نظام تغذية أن تسجل يوميا كل ما تتناوله من طعام وشراب حتي تعرف عدد السعرات الحرارية التي دخلت الجسم والمناسبة بمجهود اليوم.
وأخيرا ينصح د.محمد حسانين من يريد أن يتبع نظام رجيم صحيا بتنويع الطعام بحيث يتضمن نسبة عالية من الألياف والفيتامينات والمعادن والبعد عن المشروبات المحلاة بالسكر, وعدم الأكل أمام التليفزيون أو الكمبيوتر وزيادة الوقت المخصص للتمرينات الرياضية.

المصدر : الاهرام

mوبس mوبس 684072_64.gif مراقبة قسم النكت Fatakat 684072 القاهرة – مصر

الحمد لله ربنا كرمني وعرفت اني حامل من حوالي ساعة عملت اختبار الحمل ف البيت والحمد لله طلعلي الخطين
انا كنت اخدت عهد علي نفسي لو ربنا كرمني الشهر دا لازم ادخل اكتبلكم اللي حصل معايا علشان تعرفوا ان كل حاجة بايد ربنا وان العبد مهما كان علمه مش يقدر يدخل ف قدرة ربنا
انا من 6 شهور كنت حامل ف السادس ف توأم بس ربنا مأردش ان حملي يكمل جاتلي انقباضات جامدة ف الرحم واضطروا ينزلوا البيبيهات الحمد لله
من بعد الاربعين بدأت رحلة العلاج لاني عندي تكيسات والتبويض عندي ضعيف جدا الحمد لله
وحملي الاول كان بعد علاج برضو واخدت كمية منشطات عالية لان استجابة المبايض كانت ضعيفة
بعد كدا حصلي فرط تنشيط واتكونت مية ف بطني ودخلت المستشفي ومنها للعناية المركزة قضيت فيها 3 ايام وف خلال وجودي ف المستشفي وانا ف العناية عملولي اختبار حمل وطلعت حامل الحمد لله بس لانه كان توأم كان عندي نزيف مستمر وكنت عايشة علي الحقن المثبتة وهو دا الحمل اللي مكملش ذي ماقولتلكم
انا بقول كل القصة دي ليه لاني لما بدأت رحلة العلاج مرة تانية وبدات اخد منشطات كنت بدأت اتابع مع دكتور مختلف لاني بقيت مقيمة ف محافظة تانية وشرحتله الموضوع
بدأ معايا منشطات بس بسم الله ماشاء الله لسانه كان بيحدف زلط كل ما اروح اعمل سونار يقولي انسي ياعمرو والتبويض وحش جدا وقالي في بس بويضتين ف المبيض اليمين قلتله طيب والشمال قالي الشمال رايح ف داهية تصوروا قالي كدا بالنص
وتابعت معاه الشهر لان مفيش قدامي غيره واخدت حقن كتير علشان البويضات تكبر حوالي 10 حقن وكمان الحقنة التفجيرية واداني اقراص بوجيست علشان لو حصل حمل يثبته وقالي استني ميعاد البيريود لو اتاخرت حللي ولو جات ابقي عيطيلك يوم ولا اتنين وبعدين تعالي
طبعا الحمد لله مكانش في حمل وروحتله الشهر اللي بعده وبدا معايا الرحلة تاني وزود ف الجرعات علشان كان بيقولي انتي استجاباتك ضعيفة جدا جدا ولولا انك حملتي قبل كدا كنت قلتلك اعملي منظار
روحتله اليوم ال 13 لقي بويضتين واحدة 16 والتانية 17 وف المبيض التاني 11 و12
قالي استني كمان يومين وتعاليلي ف التالت تكون البويضات كبرت وبلاش يحصل علاقة خالص اليومين دول وانا سألته طيب مش ممكن ال 16 وال 17 يخرجوا ف اليومين دول قالي لأ استحالة انتي البويضات عندك بتكبر بالعافية ويوم ماتكبر حتكبر امم بس ومش حتطلع
وقعد بقي يقولي المبايض استجاباتها وحشة جدا وعقدني ف حياتي
روحت البيت وانا مش مقتنعة بكلامه ان البويضات حتفضل موجودة انا اصلا صيدلانية وفاهمة الموضوع
قررت اكسر كلام الدكتور وعملنا علاقة تاني يوم وريحنا يوم واليوم اللي بعده روحتله
طبعا ذي ماتوقعت ملقاش البويضتين الكبار لانهم طلعوا انا طبعا اتغاظت منه جدا وفكرته بكلامه اللي قاله علشان احسسه بغلطه وكنت مصدومة لان تعبي وال 9 حقن بتوع الشهر دا راحوا علي الفاضي واحتمال كبير تكون البويضات طلعت وماتت كمان
هو بقي بدأ يبرر موقفه وقالي هم شكلهم لسة طالعين النهاردة ويحصل جماع النهاردة وبتاع
وقالي هم كدا كدا كان كانوا صغيرين يعني طلعوا وتكوينهم ضعيف ووحش ومش حيحصل منهم حمل
وسودها ف وشي واتكلم اننا بعد كدا حيديني علاجات الحقن المجهري طالما مش بستجيب للحقن العادية وقالي حتعملي اشعة بالصبغة ولما لقاني بدات اعيط قالي بس مفيش حاجة بعيد علي ربنا
بس بعد ايه بعد ما سم بدني بكلامه
خرجت انا وزوجي من عنده مش شايفين قدامنا
وانا روحت البيت وقعدت ادعي كتير واقول يارب يحصل حمل الشهر دا علشان بس اثبت للدكتور انه حمار وان مفيش حاجة بعيد علي ربنا
وطبعا الدكتور لان شايف ان مش حيحصل حمل الشهر دا مدانيش البروجيست المثبت
وانا اخدت عهد علي نفسي يوم مااعرف اني حامل لازم اجي اكتب تجربتي كاملة علشان كل واحدة جالها احباط من اللي بتسمعه من الدكاترة تتيقن ان مفيش حاجة صعبة علي ربنا وان الانسان مش يقدر يدخل ف علم الغيب ولا حكمة ربنا
انا كدا خلصت حكايتي سامحوني لو طولت عليكم بس كنت حابة احكيلكم الحكاية بالتفصيل
انا ان شاء الله حعمل اختبار الدم بالليل ادعولي بقي
ودعواتكم ربنا يكمل حملي علي خير والموضوع الاول ميتكررش تاني
اه وحاجة كمان مهمة جدا الاستغفار ثم الاستغفار ثم الاستغفار
متنسوش تدعولي بقي

smily1612 smily1612 فتكات متميزة Fatakat 581214 الاسكندرية – مصر

يارب كلكم تكونو بخير ويقومنا كلنا بالسلامه ويرزق كل مشتاق

دلوقتى انا فى الشهر التامن
والدكتور كتبلى 3 حقن للرئه
وانا سمعت انها بتوجع اووى وكمان بتقلل حركه البيبى
هل الكلام ده بجد ولا لا
وخصوصا حركه البيبى
انا عاوزة اطمن قبل مااخدها عشان مقلقش لما اخدها واحس ان البيبى ساكت
ياريت اللى اخدها يطمنى

Ana dAlo3t gozi Ana dAlo3t gozi 374177_4.gif برنسيسة فتكات Fatakat 374177 قلب حبيبى وروح قلبى ميمو – بنها

اولا هنبدأ ب النظام لمدة اسبوع
الفطار
نسكافية او شاى بلبن
الغذاء
سمكة مشوية و طبق سلطة ورغيف سن
او ربع فرخة مشوية وطبق سلطة ورغيف سن

العشاء
بيضة مسلوقة وكوب ذبادى ونص رغيف سن
او جبنة بيضاء وكوب ذبادى ونص رغيف سن

نيجى بقى للادوية

قبل الغذاء قرص شيتوكال مع ماء وقبل العشاء قرص كاتى كين مع كوب ماء كبير

دة الاسبوع الاول
اة نسيت اقولكم حاجة مهمة جدا
ليكى معلقتان سكر فقط فى اليوم
كدا انا خلصت الاسبوع الاول ومنتظرة اى سوأل او استفسار انا قاعدة معاكم

الاسبوع الثانى
الفطار
كوب شاى + توست سن

الغذاء
نصف فرخة مشوية +سلطة
او
جبنة ب الطماطم +رغيف سن + تفاحة او برتقالة
العشاء
كانز دايت + 1 شيبسى صغير
او بيضة مسلوقة +نصف رغيف سن

الدواء شيتوكال قبل الغذاء مع ماء وبعد العشاء قرص سيدو فاج

الاسبوع الثالث
الفطار
كوب شاى بلبن او نسكافية
الغذاء
2 سمكة مشوية وسلطة
او
طبق مكرونة اسباجتى او اقلام مسلوة طبعا + سلطة +ملعقة لحمة مفرومة بدون زيت او سمنة
العشاء
جبنة بطماطم فقط اى كمية
او
2 ذبادى + برتقالة
ونفس دواء الاسبوع الثانى

الاسبوع الرابع
الفطار نص رغيف سن + شريحة جبنة رومى
الغذاء
قطعة لحم + سلطة+ 3ملعقة ارز
او شربة خضار 1 بطاطس فقط
العشاء
سلطة + 2 بيضة مسلوقة
او 3 تفاح او جوافة او برتقال
الدواء نفس الاسبوع الاول

yafgm yafgm 504455_1.gif فتكات نشيطة Fatakat 504455 القاهرة – مصر