انا عايزة منكم خدمة اللى جربت او تعرف منكم دكتور تجميل بدون جراحة ممتاز تقولى علية عشان انا عايزة اعمل تجميل بسيط كدة فى انفى يعنى المشكلة عندى فى ارنبة الانف من فوق منتفخة شوية وشفت شوية فيديوهات ان ممكن تتحقن بحقنة مذيبة للدهون او تتعامل معاملة الخدود ( يعنى لو واحدة خدودها قلبوظة شوية بتروح تنحف خدودها نفس الكلام بردو هيبقى تنحيف بس طبعا الانف حاجة بسيطة مش زى الخدود ) وعند جانبى الارنبة عرفت من دكتورة سمر العمروطى انها بتحقنها بوتكس عشان العضلات تتراخى فتخلى جانبى الانف بدل مايبقو مشدودين لا يتراخو كدة فتبان الانف اصغر انا الكلام دة سمعتة من دكتورة سمر العمريطى اكيد عارفينها .. انا كنت هاروحلها العيادة بس هى معندهاش وقت لما اتصلت يوم 1 الشهر دة السكرتيرة قالتلى اتصلى يوم 18 خدى معاد يعنى لسة هاخد معاد ويا عالم بعد اد اية .. وانا بصراحة عايزة اعمل الموضوع دة فى اقرب وقت بس عايزة دكتور كويس ومضمون وبيعمل تجميل بدون جراحة عشان كل اللى اكلمهم جراحين فيقولى الاحسن جراحة وانا بصراحة مش عايزة اعمل جراحة خالص انا عايزة بس تجميل بسيط كدة يظبط انفى وخلاص مش حابة موضوع عملية تجميل دة خالص
فياريت لو حد عنة معلومة يفيدنى ارجوكم .. بس بعد اذنكم تكونوا جربتوة او حد تعرفوة جربة
وشكرا ليكو جدااااا
emerald sama emerald sama فتكات حبوبة Fatakat 1088086 cairo – egypt
كان قبل كدة في موضوع للشوار وحاجتة
وكنت قلت لصبحية حعمل لستة بكل حاجات التجميل الي تحتاجها العروسة واخيرا نفذت
نبتدي
اول حاجة نقول النظام اليومي للعناية بالبشرة مع شرحنختار اية حسب نوع البشرة
1- غسول 2تونيك 3 كريم عين 4كريم نهار 5 كريم ليل
1- الغسول
بيكون على هيئة جيل للبشرة الدهنية والمختلطة
وبيكون كريم للبشرة العادية والجافة
ولو فالبشرة حبوب استخمي نوع طبي
2-تونيك؛لو في ترميبتة كحول بيكون للبشرة الدهنية او العادية
ولو خالي من الكحول وكريمب بيكون للبشرة الجافة او العادية
3-كريم العين لو حالتها كويسة ومفيش انتفاخات اختارية كريمي مرطب
لو في انتفاخات تحت العين اختارية جيل
4-كريم النهار لازم يكون مخصص للنهار ويكون فية نسبة حماية للبشرة من الشمس
5 كريم ليل مهم للتغذية
فرايي اهم حاجة فدول حتى لو مش حتجيبي كل دول الغسول لو بشرتك دهنية
والتونيك ممكن تستخدمي ماء الورد بردة ممتاز
بالنسبة لمستحضرات وادوات الي حنحتاحها للجسم والبشرة
اولا الادوات في الحمام
شاور جيل تكون ريحتة حلوة واختاري نوع يكون بيرطب اوي
وشامبو
بلسم
سكرب للجسم عشان كل اسبوع ولا حاجة نعمل صنفرة للجسم
مجموعة ليف مخصوصة (لزوم الدلع اكيد +ليفة نايلون وواحدة ليف طبيعي او صوف وفرشة للظهر)
وفوم للحمام (لزوم الجو الرومانسي مع شمع معطر يا سلام)
بودرة تلك معطرة
وزيت جونسون (او زيت لوز)للبشرمع عطر (زيت عطر) لدهن البشرة روعة
مزيل عرق (شبة ببودرة تلك معطرة بدالة)
كريم صنفرة قبل الماسكات
معجون سنان وفرش سنان
(وعشان سنان بيضا للعرايس خدوا الوصفة دي)
ملح طعام عادي تحطية على ايدك وتدعكي سنانك
وشوفي البياض واللمعان تحفة
وعشان ريحة الفم كمان ابقي امضغي قرنفل او حب هيل
كلين اند كلير للبشرة عشان الفترات الي بيجي فيها حبوب
vipسائل مطهر للمنطقة الحساسة ويكون معطر وفي مناديل بتكون مخصوص للمنطقة دي
vip قطعة مسك
المكياجات
شنطة للمكياج شيك
علبة مكياج كبيرة
vip مزيل المكياج مهم جداااااااااااااااا
فاونديشن(تختارية بانك تحطي على كف الايد فنور النهار وتشوفي اقرب لون لبشرتك اية ومتجيبيش افتح من البشرة كتير)
بودرة مضغوطة
وممكن للحغلات وكدة تجيبي بودرة فيها لمعة او برونزى
سفنج للمكياج وفرش مكياج( بس جيبيها نوع نضيف عشان تعيش معاكي)
بلاشر (خوخي او برونزي لو سمراء او خمري ووردي لو بيضاء)
مناديل مبللة (عشان وانتي برة تشيلي المكياج او تصلحي بسهولة)
للعين
ماسكرا (جيبي اتنين واحدة هادية للخروج العادي)
وواحدة تكون تقيلة للسهرات والمناسبات
كحل اسود ولو بيليق عليكي الالوان جيبي الالوان الي تظهر لون عينيكي
اي لاينر(لو بتستخدمية)
قلم حواجب او ماسكرة حواجب
اي شادو
علبة كبيرة فعلبة المكياج
علبة شادو ضصغننة فيها الوانك المفضلة عشان وانتي خارج البيت
لون فية جليتر او بيلمع للسهرات
كونسيلر وبنجيبة درجة او اتنين افتح من كريم الاساس
واكيد فرشة للحواجب وااشادو
و آلة بتقوس الرموش
روج
كترى من الالوان الهادية قريبة من الطبيعي وواتنين او واحد يكون لون غامق شوية من باب التغيير
جلوس
مرطب شفايف
محدد شفايف
البرفانات
جيبيها قبل الدخلة بكذا شهر عشان تعتق
حسب انتي بتفضلي اية
بس جيبي نوع رقيق للخروج ونوع قوي للبيت دة اساسي
كدة تقريبا خلصنا المكياجات كلها
ندخل بقى على المستحضرات والادوات التانية
ملقاط
سيلك ابيل او سويت حسب انتي بتستخدمي اية
براية لقلمة الحواجب والمكياجات
وللقدمين
كريم مرطب بريحة حلوة(اناعندي بالبطيخ والنعناع جامد)
سبراي او بودرة لغرق القدمين (بيني وبينك عشانة هو اكتر)قبل ما تلبسي الحذاء
مبرد للقدمين ومجموعة عناية بالقدمين
وللايد بقى
اسيتون
مقوى اظافر
قلم تبييض اظافر
كريم للايد
سكرب للايد
جوانتي عشان تلبسية بليل لما تحطي الكريم
مجموعة مانيكير(قصافة ومقص صغير )زي دي مثلا
مبارد للاظافر
1 خشب
1 للتنعيم بيكون زي السفنج كدة
مانيكير
نوعي حتى لو بتحبي الرقيق بس جيبي لون قوى عشان تغيري في البيت
الشعر
زيوت تكون مناسبة لشعرك
لو شعرك فاتح ابعدي عن الزيوت الي لونها غامق خصوصا الاملا لانة بيسود الشعر
كريم لحمام الكريم
سشوار او بيبي ليس
رولو
بنس ومشابك من الحديد دي
مقص حامي خلية لشعرك بس
بونية للشعر لاثناء الحمام
توك نوعي سورتيتات واطواق وكلبسات
اظن مفيش حاجة تانية ناقصة
اكيد مش لازم تجيبي كل دة
بس دة كل الي ممكن تجيبية يا عروسة
مش حتطلعي برة تقريبا خالص
وحبقى اكتبلكم موضوع ازاي تحافظي على ادوات مكياجك
سلام ومبروك لكل العرايس
على فكرة الموضوع مش منقول والله
وياريت التقييم عشان بجد اخد مني وقت
rodypearl rodypearl 58565_22.gif سوبر فتكات Fatakat 58565 فطاعه الله ومليانه امل – دنيا جديدة
ياريت حد يقولي إيه أفضل مركز تجميل في الأسكندرية ..أنا سمعت عن اوباجي وديرما كلينك و وام بس مش عارفة إيه الأحسن .
.أنا عايزة اعمل عملية شد للفخذ بالليزر ضروري لأن الموضوع تاعبني نفسياً جداً ..وكنت عايزة اعملها عند دكتورة مش دكتور .
.ممكن حد يقولي علي اي دكتورة بتعملها في اسكندرية ..ولو حد عند اي معلومات عن العملية ياريت يفيدني .
حد سمع عن دكتورة جلدية وتجميل اسمها رانيا عبد المقصود في ديرما كلينك يا تري بتعمل العملية دي ولا لا
جزيتم الفردوس الأعلي ساعدوني
hala6100 hala6100 فتكات متميزة Fatakat 645042 الأسكندرية – مصر
