كيفكم بنات أنا أول مرة بكتب في قسم الطبخ ورح أقدملكم طبخة من طبخاتنا ما بعرف اذا بتعرفوها ولا لأ
بتمنى تعجبكم واذا شجعتوني رح أقدملكم كمان
واليوم طبختنا سهلة وما هي معقدة
مقلوبة الباذنجان (البانجان) باللهجة الحلبية
2كيلو باذنجان
3كاسات رز منقوع بماء ساخن
لحمة ناعمة
ملح،بهار،لوز
نقشر الباذنجان خط و خط و نقسمه على شكل شرائح طولية و نقليه ثم نصفيه على مصفاة حتى يصفى من الزيت
نسلق اللوز في الماء ونقشره ونحمصه بالقليل من الزيت حتى يحمر
نصفّ الباذنجان في وعاء الطبخ بشكل طولي وفي قعر الوعاء ونترك بعض شرائح الباذنجان على طرف
و في وعاء آخر نغلي 4 كاسات ماء مع ملح و سمنةأو حسب نوع الرز الذي تستعملونه وكمية الماء التي يحتاجها
نغسل الرز ونصفيه ونضعه فوق الباذنجان ثم نصب فوقه بهدوء الماء المغلي ونضعه على النار حتى يغلي
ثم نخفف النار عنه حتى ينضج الرز
نضغط على الرز بملعقة ثم نضع فوقه بقية الباذنجان على الوجه
نقلي اللحمة الناعمة مع الملح والبهار
نقلب الباذنجان مع الرز في صحن التقديم ونضع اللحمة على الوجه ونزينه باللوز المحمص وصحتين وهنا
وهي الطبخة صارت جاهزة
وهي الصورة من الداخل
ان شاء الله تكون الطبخة نالت اعجابكم
وما تنسونا بالدعاء
ادعولنا يرجع الأمن والأمان لسوريا وأنا كمان بدعيلكم
وماتنسوا التقييم
مواضيع هذا القسم برعاية
لمى بنت الاسلام لمى بنت الاسلام 840471_1.gif فتكات هايلة Fatakat 840471 حلب – سورية
