ان شاء الله حبتدى من بكرة يا بنات فى ريجيم سالى فؤاد اللى خسسها 25 كيلو فى 6 شهور
انا قريت الريجيم كويس ولقيته ممتاااااز وجامع بين كذا ريجيم
يعنى ممكن نعتبره ريجيم لقيمات لأن كل ساعة او ساعتين فى لقيمة او مشروب
وممكن نعتبره صيام عكسى بس بطريقة افضل لانها بتمنع النشويات والسكريات بالليل وبتاخد بروتين فقط
المهم انا حنزلكوا النظام حالا وعاوزة معايا فريق محترم وجااااااد جدا جدا جدا
خطتنا تبتدى من النهاردة ان شاء الله ولحد رمضان يعنى 3 شهور بالتمام والكمال
ويوميا حنلتزم بالرياضة
مش اقل من نص ساعة مشى
وطبعا حنشرب مية كتييييييييير
انا امل
وزنى 95 وطولى 164
الاشتراك للجادات فقط فقط فقط اللى يكرمكوا
ودة الريجيم —-انا حعمل بس تعديل بسيط فى ترتيب الوجبات بحيث اخلى وجبة البروتين والشوربة اوالسلطة –قبل الجبنة والشرايح الخيار والطماطم والفلفل
اسيبكوا مع كلام سالى فؤاد
الصبح أشرب شاي باللبن بمعلقة سكر فركتوز و أزود بسكر دايت حسب الرغبة حتى لا أزيد من السكريات في المرة ( احيانا استبدله بمشروب الجنزبيل و ليمون و شاي اخضراو احمر معا محلى بمعلقة عسل صغيرة حتى اقلل من الالبان و لنتيجة فقدان وزن افضل لانه مشروب يعلي الحرق)..
بعد ساعة واحدة أكل تفاحة أو أي نوع اخر و لكن ثمرة واحدة لأن كل ما زدنا يعلى سكر الدم و بالتالي الجوع و تخزين الدهون.. ..
.بعد ساعتين أكل كوب زبادي و عليه معلقة شوفان و معلقة دقيق شعير و معلقة صغيرة عسل أبيض و قرفة حسب الرغبة
.. و بعد ساعتين أشرب كوب نسكافيه بسكر دايت
و بعد ساعة و احدة شرائح الخيار و الطماطم و الفلفل الملون مع معلقتين جبن فيتا بطعم قوي مثل الاسطمبلي
و بعد ثلاث ساعات بروتين مثل بيضة مع جبن قريش أو صدر فراخ مخلي مشوي أو سمك فيليه مع شوربة قليلة الدسم أو سلطة
بعد ساعتين كوب شاي باللبن بسكر دايت فقط ( او مشروب الصبح الحارق)
و قبل النوم بساعة كوب زبادي لايت بسكر دايت و عصير ليمونة و أحيانا معلقة صغيرة عسل أبيض.
المهم ان الفاكهة بالنهار و البروتين بعد المغرب و الزبادي قبل النوم و كنت أقلل النشويات بقدر المستطاع لأجعل جسمي يحرق من دهون جسمي بدل مخزون السكريات
لنتيجة افضل انصح بتحديد يوم كل ثلاث ايام للشرب فقط طوال اليوم بمشروبات خالية السكريات و ماء كما انصح بكسر الرجيم بيوم فري لكن عدم الافراط .. اي مجرد لخبطة الجسم من نظام نمطي .. و انصح بالرياضة قدر المستطاع للحفاظ على الكتلة العضلية في الجسم فهي العامل الحارق الاساسي في الجسم.
بصوا يا بنات اهم حاجة نعرف ناكل ايه وامتى؟؟؟والمرونة مطلوبة بس بحساب—-يعنى كل واحدة ممكن تعمل تعديل يناسب ظروفها بس فى اطار اهم نقطة –ان النشويات والسكريات ممنوووووع بعد المغرب لأنهم مش بيتحرقوا—ودى الفكرة اللى بيعتمد عليها نظام الصيام العكسى
يعنى انا حخلى اسااااااسى مع البروتين شوربة ويكون فيها لسان عصفور لأن الجسم محتاج نشويات–المهم الوجبة دى تكون قبل المغرب–علشان كدة انا خليتها قبل الجبنة والخضروات
#أمل جديد# #أمل جديد# 636225_7.gif سوبر فتكات Fatakat 636225 مصر – مصر
