الوسم: الاسئله
السلام عليكم ورحمة الله وبركاتة
لو عايزة تختبرى انوثتك يبقى جاوبى على الاسئله دى بس بكل صـــــــراحه 2024.
السلام عليكم……………
الاختبار ده عجبنى قوى قولت انقله ليكم يا بنات
اسيبكم مع الاختبار
لو عايزة تختبرى انوثتك يبقى جاوبى على الاسئله دى بس بكل صـــــــراحه::::::
1-اى نوع من القماش تفضلين
أ- القطن
ب- الحرير
ج-الدانتيل
2-ماهو نوع عطرك المفضل
أ-الاعشاب
ب-المسك
ج-الزهور
3-ماهو الشئ الذى تحميلنه معك دائما فى شنطه يدك
أ-العطر
ب-ماسكارا واحمر شفايف
ج- كيس مكياج كامل
4-اى نوع من الافلام تفضلين
أ-الكوميدى
ب-الدراما
ج-الرومانسى
5-هل من السهل ان تشعرى بالخجل
أ- نادرا
ب-احيانا
ج-دائما
6-ماهى الامسيه الرومانسيه المثاليه بالنسبه لك
أ-عشاء فى مطعم فاخر
ب-اوبرا ثم عشاء
ج-عشاء اعده زوجك على ضوء الشموع
7-كيف تتخيلين الرجل المثالى
أ- ان يكون مضحك
ب-ان يكون مخلص
ج-ان يكون حساس
8-عندما تخرجين ماهو الوقت الذى تحتاجينه لكى تستعدى
أ-نصف ساعه
ب-ساعه
ج-من 2-3 ساعات
9- ماهو نوع ملابسك المفضل
أ-ملابس مريحه
ب-ملابس على اخر صيحات الموضه
ج-ملابس تظهر انوثتك
10-ماهى الوانك المفضله
أ-الالوان الزاهيه
ب-الالوان الدافئه
ج- الالوان الفاتحه والباستيل
والان الاجاااااااااااااااااااابة
-اذا كانت الاغلبيه( أ )
درجه رقتك وديعهانت حالمه لاقصى درجه ولديك طبيعه رقيقه وصبوره تملكين احساس جميل يتجه الجميع حولك فأنت طيبه وعطوفه على الكل تغمركى انوثه لاقصى درجه ولديكى حس جيد ومتجاوبه مع الجميع ولديكى احساس قوى بذاتك
-اذا كانت الاغلبيه(ب)
درجه رقتك معتدلهانتى فنانه بطبيعتك جذابه وصادقه اناقتك وسحرك وذوقك الرفيع يجذبون الجميع اليك ولديكى احساس بجمالك وانوثتك يظهرون فى مظهرك الخارجى للجميع فيعجبون بكى
– اذا كانت الاغلبيه (ج)
درجه رقتك عميقهانتى شخصيه واثقه من نفسها فاتنه والجميع يجدونك مثيره جدا لكنك لا تظهرين هذه الصفات للجميع وهذا ما يجعلك رقيقه وذات انوثه طاغيه تغنيك عن انكى تظهرى كل مفاتنك للناس
انا طلعت (ج) انتى بقه جاوبى بصراحه طلعتى ايه؟؟؟؟؟؟؟؟؟؟؟؟؟
منقووووول لعيونكم
نونا اخت فتكات نونا اخت فتكات 829967_44.gif فتكات متميزة Fatakat 829967 (فى بيت بابا على ما تفرج ههههه) – (مصر ام الدنيا)
سبحان الله و بحمده
حد يجابنى علي الاسئله دى ياااحوامل 2024.
سلام عليم ورحمه الله وبركاته
بصوا يااجماعة انا انهاردة اول يوم في التامن
وكانت الدكرة طالبه منى تحاليل دم وبول
طلعت نسبة الهيموجلبين 9 قالتى كدة قليل
وانتى مش بتاكلي كويس مع انى باكل كوي جدا وباكل فاكهة تير وخضار
وقالتى لازم تعلقي محاليل حديد
هل النسبة دى قليله ولا عاادى
وتانى حاجة قالتى عندك بكتريا وصديد واملاح في البول وكاتبتلي مضاد حيوى
وانا اصلا لاعندى افرازات ولاهرش ولاي حاجة وبتشطف بالغسول يوميا اصلا مش عارفة بقي جاتبي من ايه
وانا ياجماعة من اول الحمل زدت 8 او 9 كيلو انا بصراحة حساهم كتير بس الدكتور قالتى لا كدة كويس
مش عارفة حخسهم بعد الولادة ومش عارفة دى دهون ولامياه ولاايه
انا صحبتى زادت 30 كيلو ونزلت في اول اسبوع 15 كيلو وقالتى عشان جسمها كان كله مياه وفعلا جسمها كان منفخ اووى
طيب انا الزيادة دى دهون ولاايه وحتنزل بسرعة ولا مش حتنزل اا اعرف الي بيزدوا الزيادة الطبيعية 10-12 كيلو بينزل بسرعة ولاايه عشان الموضوع دة فارق معايا جدا
وزن النونة 2 كيلو كدة كيويس وادعولي بقي ربنا يومنى بالسلامة انا وكل الحوامل
يارب ترحمنى وتصبرنى يارب ترحمنى وتصبرنى فتكات رائعة Fatakat 604597 بلدى – مصر
سبحان الله و بحمده
محتاجه نصيحتكم وتجوبه عالاسئله 2024.
السلام عليكم ورحمة الله وبركاته
ازيكم يا فتوكات يارب تكونه بخير
انا عايزه اسالكم في سؤالين وعايزه منكم نصيحه انا الحمد لله في نص الثامن عايزه منكم نصيحه ايه المفروض اعمله الفتره دي علشان افيد البيبي واولد طبيعي والسؤال انتو عارفين الدنيا برد وعايز مشروبات سخنه وطبعا النسكافيه والقهوه والشاي خطر طيب اشرب ايه ويكون مش ضار وفي نفس الوقت يفيد البيبي وكام كوب في اليوم والسؤال التاني هل اللي بتقعد كتير او قعده طول اليوم مفيش نوم يعني وانا عند ماما فقعده طول اليوم يدوب بقوم اعمل حاجه اشربها او التوليت والمشي لسه في التاسع بس هل القعده بتخلي انف البيبي كبير زي ما ماما بتقولي وفي الاخر ادعولي اولد طبيعي وربنا يرزقني بطفل سليم معافي بدون زياده ولا نقصان
ام سيف الدين2015 ام سيف الدين2015 312747_6.gif فتكات متميزة Fatakat 312747 الجيزة – مصر
سبحان الله و بحمده
حامل ؟ مبروووك تعالى بقى اعرفى اجابات الاسئله اللى شاغله دماغك 2024.
السلام عليكم يا فتوكات يا حلوين
بصوا بقى انا بقالى كام يوم عماله اقراء عن الحمل و الولاده و كانت عندى اسئله كتير اوى بالرغم من انى مش اول مره احمل بس احنا دايما بننسى اللى بيحصل
و عشان تستفيدوا معايا هحطلكم شويه الاسئله اللى كانت محيرانى و لاقيت اجابتها
1- امتى اعرف انى حامل و ازاى اتاكد ؟؟
لما الدوره تتاخر ان شالله يوم ممكن تقدرى تعرفى طيب ازاى ؟؟؟
لو اتاخرت يوم روحى اعملى تحليل الدم الرقمى طيب امتى اعمل تحليل البيت ؟؟
التحليل المنزلى اللى بيتباع فى الصيدليه بتعمليه بعد 4 ايام من تاخر الدوره عشان يكون سليم و لازم يتعمل و انتى لسه صاحيه من النوم ده مهم جدا عشان يكون نسبه الهرمون عاليه فى البول
المعتقد الخاطئ : اننا ممكن نعمل تحليل دم قبل معاد الدوره ما تيجى و نعرف اننا حامل لالالالالا ده كلام غلط لان ممكن يطلع مافيش و انتى حامل لازم تستنى معاد الدوره افضل
عرفتى مبروووووووووووك انتى حامل ( ربنا يرزق كل مشتاق قولوا اميييييييين )
2- اعمل ايه بقى و انا فى الكام دلوقتى و الدكتور هيدينى ايه و يعمل ايه ؟؟
اول حاجه هيسالك عليها الدكتور اول يوم فى اخر دوره كان امتى لازم تكونى فاكره عشان من خلاله هيديكى معاد مبدئى للولاده ان شاء الله
و بعدين هيوزنك لان الوزن مهم جدا جدا فى الحمل ماينفعش نكون تخان و نقول عشان احنا حامل و بناكل لاتنين ده كلام مش صحيح لازم يكون وزنك مش عالى عشان كل ده حمل على رجلك و مشكله وقت الولاده و برضه مش معنى كده اننا نعمل رجيم لالالا الاكل الصحى مهم جدا و انسى بقى الرز و المكرونه و البطاطس و العيش الفينو
و هيقيس ضغطك لانه مهم فى الحمل جدا و لازم تكونى رايحه و عامله صوره دم كامله و تحليل سكر عشان الدكتور يطمن برضه
و انتى كده بتكونى داخله فى الشهر التانى
3- طيب الدكتور هيعمل سونار من اول شهر كده ؟؟؟
اه مافيش مشكله
4- اروح للدكتور كل اد ايه ؟؟؟
الحاله الاقتصاديه و الماديه حاليا مش زى الاول و الدكتور طبعا عايزك عنده لو كل اسبوع مش هيقول لا ,,, لكن توفير للمصاريف ممكن تروحى كل شهر عادى طالما ان حملك كويس
5- ايه اعراض اول 3 شهور ؟؟؟
طبعا انتى روحتى بعد الشهر الاول ادى كده يا ستى شهر عدى من التلاته طيب الباقى ؟؟
هتحسى بدوخه و ممكن يحصل ترجيع و فى حمل مش بيحصل فيه و ممكن يحصل ترجيع الصبح بس طيب ازاى اعالج الترجيع ؟؟الدكتور هيديكى دوا للضروره اوعى تخديه اول ما تحسى بالترجيع عشان الادويه الكتير مش حلو و خصوصا اول 3 شهور اول ما تصحى من النوم خالى جنبك بقسماط كلى واحده اول ما تقومى من النوم دى هتقلل عندك الشعور بالترجيع الصباحى و ممكن فنجان جنزبيل باللبن لباقى اليوم بعد كده
و ايه تانى ممكن احس بيه ؟؟
هتلاقى عندك افرازات كتير ده عادى على فكره مافيش مشكله فيه بس اهم حاجه لو لونها على بنى روحى للدكتور عشان هيكتبلك مثبت للحمل و ماتقلقيش ده طبيعى مش هياذى البيبى ,,, و هتحسى شويه بمغص زى الدوره بس مش هيكون جامد يعنى ده برضه عادى طالما مافيش دم
6- العلاقه الزوجيه اعمل فيها ايه؟؟
ستات كتير بتخاف على البيبى و اصلا مش بيكون ليها نفس لحاجه بس خالى بالك جوزك ليه حق عليكى و ماتخفيش على البيبى ربنا حاميه فى كيس و بالنسبه للعلاقه يا ريت تكون اول 3 شهور براحه و بهدؤ و ماتكونش كتير و بعد كده براحتك بس لو هتولدى طبيعى و الامور عندك كويسه كترى من العلاقه دى لانها بتساعد على الولاده الطبيعى جدا
و لو حسيتى بتعب منها فى اى وقت لازم تروحى للدكتور
7- المفيد و المضر و الافكار الغلط ؟؟؟
حاولى تقعدى وقت فليل على النت لان الاشعه بتاعت الكمبيوتر و اللاب كل ده خطر على البيبى فى اول فتره من الحمل
و مش بالاكل الكتير البيبى هيكون كويس لالالا بالاكل الصحى و الخضار و الفاكهه و اللبن الكتير
بلاش تكترى من اللبن الرايب فى الحمل عشان فيه نسبه املاح هيرفع عندك الضغط و هيحبس الميه فى الجسم فبلاش منه كتير خليه فى المعقول و اللبن الحليب صحى عنه طبعا و الاصح كمان الزبادى لانه بيفيد المعده و الامعاء و بيقلل من الامساك اللى بيجى فى الحمل
الموبايل قللى منه كمان و حاولى تقتصرى فى مكالماتك
ابعدى عن النشويات لانها مش مفيده و مالهاش اى لازمه
لازم اول 3 شهور تاخدى حمض الفوليك لانه بيقلل من تشوهات البيبى و مهم جدا للجهاز العصبى و بعد التالت بتبدا الفيتامينات و الكالسيوم و لازم تتابعى نسبه الهموجلبين فى الدم عشان ده مهم و كترى من الجرير و الكبده
و خالى بالك لو بيجيلك تشنجات عضليه فى رجلك و بطنك كترى من الموز لانه فيه نسبه عاليه من البوتاسيوم اللى بيقلل التشنجات دى
و يا رب ماكونش نسيت اى سؤال و يا رب نقوم كلنا بالسلامه و يرزق كل مشتاق
فراشة حائرة فراشة حائرة images/avatars/pacifier.jpg فتكات هايلة Fatakat 159373 القاهرة – مصر
