بسم الله الرحمن الرحيم
ازيكم يا بطبيط
كل عام وانتم بخير
happy new year
and new body
يارب تكون سنه رزق وخير عليكم كلكم
وسنه رشااقه وسعاده
اسم جروبنا جميل اوي اوي
اسمه
(من اول السنه هخس اكيد و جسمي هيبقي له
شكل جديد)
او
(New Year and a new body)
اكيد كل بنت جسمها تخين بتقف قدام المرايه
وبتبقي حزينه واكيد برضه اي وكل ست مصريه وغير مصريه متجوزه بتقف قدام المرايه تقول اي القرف ده وده بيبقي شكلنا قدام نفسنا
مكسوفين ومديقين واللي جوزها مبقاش يحضنها
ويبوسها زي الاول واللي نفسها تتخطب
واللي خطيبها خدها عشان بيحبها وبيتحايل عليا عشان تخس
_________________________
كام واحده فينا نفسها تخس وتبقي احلي واحده
في عين خطيبها او جوزها او حبيبها
وميبصش لواحده غيرها
(اللهي لو بص لوحده غيري يقع في بلاعه بس يطلع سليم عشان بحبه ههههه)
طووويب وبعدين بقي في نفسك
وتخنك ده وكرشك في ست رقيقه
تبقي بكرش برضه انا اعرف ايه البتاع ده
حاجه بقت لا تطاق وينفع ياهانم تروحي تشتري لبس الشتوي زي باقي الناي تلاقي ولا جاكيت جاي مقاسك وتلاقيكي مش بتشتري من كل المحالات زي باقي البنات والستات لا هو محل واحد
بتشتري منه ولا محلين وشكرا وطبعا محدش بيعمل حساب الناس التخينه يعني من الاخر منسيييين لان مفيش منكان تخينه ومفيش عارضه ازياء تخينه
وترجعي بيتك مهمومه ده غير عينك تدمع وانتي في المحل ومش لاقيه مقاسك وتطلعي مكسوره النفس
ويسلام لو جاتلك واحده زي اللي جت لاختي وهي بتتفرج تقولها مقاسك مش هنا يامدام مقاسك فوق هنا ميديام ولارج بس
______________________________________________
خلاص الوقت بيجري وعمرنا بيضيع واحنا مش متمتعين ولا بصحتنا ولا بجسمنا ولا بجوزنا ولا بخطبنا ولا بحياتنا طيب وبعديييييييييييين
______________
تعاااااااااااااالي ورايا عايزه جوزك يحضنك زي زمان
وانتي عايزه خطيبك تبقي انتي ماليه عينه هو الطبيعي انك ماليه عينه يعني بس بتخنك
وانتي عايزه تتخطبي مهو اكيد مفيش واحد هيبص لوحده تخينه ف الزمن الاخبر ده زمان ياحببتي كنتي تلاقي الرجل يتجوز اتخن واحجه ويقولك يسلام سلام انا متجوز ست ستهم
بس زمان كان الاكل مش ملوث والدنيا ببركتها ومحدش بيبص لحد والست تخينه وفيها صحه انما دلوقت التخين ملهوش اي لزمه في الحياه الا انه يتعب وينام ويتظلم ويتبهدل وميعرفش يتحركك
__________________________________________________ ______
اظن انكم فهمتوا فكره الجروب
جسم جديد وسنه جديده
اول يوم في السنه 2024
هيبقي يوم تريخي في حياه كل واحده فينا
السنه لما تبقي حلوه احنا اللي هنحليها بتصرفتنا وبتغير حياتنا واحنا اللي بنخليها كئيبه برضه
وبتخليها تسود حياتنا
خلي مستقبلك وحياتك قدام عينيكي ارسمي انتي
حياتك ومستقبلك لان محدش غيرك هيعرف ايه اللي هيسعدك وايه اللي هيغيرك
مش شرط تغيري جسمك بس لا انتي لازم تغيري كل حاجه في كل حاجه لازم تبقي انسانه جديده
كلك امل وتفاؤل وعلي فكره الريجيم نظام حياه مش حرمان لالالالالا
حتي لو مش هتكلي حاجه في الريجيم اعتبري انك مش بتحبيها بتكرهيها ولازم كمان بنتك وابنك لو انتي متجوزه يمشوا معاكي عشان تعوديهم علي النظام ده الاكل بمعاد بكميه قليله عشان تحفظي عليهم وعلي صحتهم ولا احنا هنغير نفسنا ونسيب اللي حولينا زي مهما
تصدقي كتيررر كمان بنيه انك تخسي وربنا يهديلك اولادك وينجحهملك تصدقي عشان بنيه ان ربنا يسخر قلب جوزك ليكي او خطيبك
الصدقه المفتاح التاني من مفاتيح فك الكرب والهم
طبعا تلقيكم بتقولوا يخربيت ام رغيك ههههه
طيبببب ندخل بقي في الجد ششويه والنظامين الاساسيين اللي هيبقي الجروب ماشي عليهم
وواللي هيمشي علي نظام غيرهم عادي يعني
يتفضل
بس بصي لو سمحتي منك ليها اعرفي انك لو علقتي بكومنت تحت فيه اسمك واششتراكك
وملتزمتيش مش هنقبلك هنا تاني معلش
لان قبل اي حاجه احنا جاخلين نغير نفسنا من اول السنه والاشتراك هيتقفل 3 يوم في السنه عشان نبقي ادينا فرصه للبنات يشتركوا
طيب اول نظام نظام الصيام العادي
وهيبقي حلو اوي وده نظام الاكل بتاعه
كوب عصير برتقال أو جريب فروت أو قمر الدين بدون سكر +ربع دجاجة أو نفس المقدار من السمك
+سلطة خضراء مكونة من (1خيار +1خس +1طماطم)
+2ملعقة أرز أو 2ملعقة مكرونة أو ربع رغيف
+4 ملاعق خضار بدون زيت أو سمن
بين الأفطار والسحور
ثمرة فاكهة
السحور اليومي
بيضة مسلوقة أو كوب زبادي
+1توست أوربع رغيف +2 ملعقة فول +سلطة خضراء
ممنوع
الموز و المانجو و العنب
* لا يصلح هذا النظام للحوامل و مرضي السكر
يكون النزول في الوزن 10-12 كيلو في الشهر و يزداد النزول مع المشي
النظام التاني هو الصيام العكسي
وهيبقي معاه نظام دايت لان مش هسمح ان واحده تاكل اد كده وتقفل اليوم علي الساعه 5 لالالا
الدكتور حذرني من اني اكل اي حاجه انا عايزاها
قبل الساعه 5 لازم يكون في نظام دايت جنب الصيام العكسي
وهيبقي النظام اللي مع الصيام العكسي نظام
لقيمات او النظام الكلاسيكي
طيب نظام اللقيمات بقي اشهر من اوباما اساسا ههههههههه فا مش هكتب الا نبذه مختصره عنه
وهي انك بتكلي كل 3 ساعات حاجه بحجم نص الكوب
يعني مثلا ممكن تفاحه وبعد 3 ساعات ربع رغيف
وبعد 3 ساعات الوجبه المفرحه كوب ونص من اكل البيت +كوب سلطه +قطعه حلوي 20 جم
وهما 4 لقيمات ووجبه مفرحه
النظام الكلاسيك
الفطار
ربع رغيف بلدى
+بيضه مسلوقه او قطعه جبن قريش او 3 ملاعق فول بدون زيت يضاف لهم ليمون وسلطه
او 2 ثمرة فاكهه
الغداء
النشويات
3 ملاعق ارز او مكرونه او ربع رغيف
البروتين
ربع فرخه او 2 شريحه لحم او 2 سمكه متوسطه او علبه تونه بدون زيت او 2 بيضه مسلوقه
الخضار
خضار مشكل مسلوق او نى فى نى +طبق سلطه خضرا كبير شرط يكون فيه ثمرة طماطم واحدة
الفاكهه
بعد الغدا بساعه ثمرة فاكهه من المسموح بها
العشاء
علبه زبادى
او بيضه مسلوقه
او قطعه جبن قريش مع سلطه
او 2 ثمرة فاكهه
والرجيم ده ممكن تاكلي لو حسيتي بالجوع خس او خيار او جزر
مع المشى نصف ساعه وهذا الرجيم الاسبوع الاول اقل شئ بتنزلي من 3 الى 4 كيلو.
متنسيش قبل متتهوري وتشتركي اعرفي انك هتبقي مسؤله مني انا واختي اللي هتمسك معايا الجروب
وقبل ده كله حطي قدامك شعارنا
(هغير نفسي
هغير جسمي
هغير حياتي
هاخد بالي من صحتي وصحه ولادي
هبقي الاحلي في عين جوزي وحماتي)
(هاكل فتفوته وهبقي موزه وكتكوته)
وخدي بالك وحطي في دماغك انك لو اشتركتي
كل بنات الجروب زي ممسؤلين مني ومن اختي مسؤلين منك لانهم اخواتك لاننا لو مخوفناش علي بعض يبقي ملناش لازمه مع بعض ولا للكلام اللي كتبته ده كله لازمه او قيمه
الاشتراك
هيكون بيحتوي علي
الاسم او دلعك
السن
والوزن ولو مش وزنتي قدامك النهارده توزني
والطول
________
وديه بياناتي انا
الاسم :رودي
السن:19
الطول :150
الوزن :117
خدوا بالكم بقي عشان نبقي علي نور
انا احتمال كبير ان شاء الله خطوبتي تبقي في نص السنه ولو متخطبتش في نص السنه او حصل نصيب وملقتش فستان هحملكم المسئوليه بس ها
يالالالا مستنيه اشترككم وترفعوا الموضوع بدعوه حلوه زيكم يا اجمل فتاتيك
الحياه قفل والناس مفتحها الحياه قفل والناس مفتحها 731999_18.gif سوبر فتكات Fatakat 731999 القاهره – مصر