ازيكوا ياحبايبى
انا انهارده نزلت رحت المستشفى اعمل اختبار حمل مع ان لسه اسبوع على معادها بس الجنونه جت وانا قاعده لوحدى وزهقانه قلت اقطع عرق واسيح دمه لانى كنت واخده منشط وابره تفجيريه
المهم طول الطريق اقنعت نفسى انى مش حامل وفعلا كنت حاسه بكده وحسيت مشاعرى تلمت ومش فارق معايا لانى متاكده انى مش حامل
البنت خدت العينه وانا قعدت استنى فى اللوبى
قمت شفت بنت طفله قمررررررررررررررررررررررر
شبه بنت ناسى عجرم بالظبط واحلى
مكلبظه وبيضه وعينيها خضر وعندهل بتاع سنه ونص
انا تنحت وبعد ماسميت فى سرى لقيتنى مش قادره اشيل عينى من عليها ولقيت دموووووووووووعى نازله زى الشلال ومفيش على لسانى غير يارب ارزقنى بواحده زيها واعيييييييييط
بس مخبيه وشى شويه بمنديل عشان الناس ماتاخدش بالها
وهنا اصلا الناس كل واحد فى حاله واصلا محدش كان بيبصلى
ومامتها وباباها كانوا قاعدين جمبى واستحاااااااااااله تشوف وشى
قام ابوها خادها يشتريلها حاجه لقيت الام يتدور لى بتقولى انتى زعلانه ليه وبتطبطب على…….
انا اتخضيت قلتلها مفيش قالتلى لا بجد مالك قمت معيطه وقايلالها انا مستنيه نتيجة الحمل
وهى تقريبا كانت متوقعه كده لانها قالتى
بصى انا قعدت 5 سنين مش بجيب بيبي مع انى وجوزى كويسين وعملنا تلقيح صناعى مره وحصل حمل بس نزل
قعدت تقولى سيبيها على الله انا كنت بفكر انفصل عن جوزى بسبب الموضوع ده وكنت ناويه اعمل حقن مجهرى بس حملت قبلها لوحدى كده
وكان كلامها هااااااااااااادى كانها ملاك
وانا عماله اعيط جدا ماعرفش ليه
وقالتلى انا ماكنتش بسيب السبحه من ايدى عشان استغفر والاستغفار مهم جدا وسيبها لله وكده
وقامت مطلعه السبحه بتاعتها من الشنطه والسبحه فظييييييييييييييييييييعه من الاحجار الكريمه وهاند ميد وقامت ادتهالى وقالتلى كل ملتمسكيها افتكرينى وهاتشوفى فرج ربنا قريب ازاى
وانا مش مصدقه
دى ماتعرفش اسمى,,,,,,,,,,,,
وكانت هااااااااااااديه مع ان شكلها كاجوال جدا ومش محجبه هى سعوديه وجوزها سعودى بس عاييشين فى دبى
قعدت اقولها مش عارفه اقولك ايه انتى غريبه اوى انا اول مره اقابل حد كده وشكرتها جدا
وطلعت خدت النتيجه وطلعت نيجاتيف طبعا كالعاده
ونزلت قلتلها وسلمت عليها وخدت تليفونها وروحت
طبعا طول الطريق وانا مروحه دموعى زى الشلال كنت مكسوره جدا
قمت مطلعه السبحه من الشنطه وبايساها ودعيت من قلبى اوووووووى وقعدت استغفر لغاية ماهديت.
انهارده يوم غرييييييب جدااااااااا مع انى زعلانه اوى اوى انى مش حامل بس مستغربه جدا ومش قادره اسيب السبحه من ايدى من جمالها وجمال الموقف
مرات حبيبي مرات حبيبي فتكات هايلة Fatakat 194196 دبى – الامارات
سبحان الله و بحمده
