التصنيف: العناية بالشعر

السلام عليكم
ازيكم يا احلي فتوكات في الدنيا
انا النهاردة جايبة حل رااااااااااااااااااااااااائع لتساقط الشعر
الاول انا شعري (ماشاء الله طويل ) وناعم وكويس مش خيفي ولا تقيل المهم بقاله فتره كده بيقع بشراسة فعلا زي ما بقول لدرجة اني لما بمشي ايدي علي شعري بيطلع فيها شعر ولما بستحمي جسمي بيبقي كله شعر وفعلا بيقي خصل بمعني خصل بجد كان حاجة توجع القلب المهم انا طبعا مسكتش عملت سيرش عن حاجات توقف التساقط هنا في فتكات وطلعت بالخلاصة وصفة بجد جباااااااااااااااااااااااااااااارة
وهي (حنة +عصير بصل وتوم +زيت زيتون+اي زيت كويس للشعر عندك)

بصو بقي الحنة دي بقي ليها قصة معايا وكنت كتبت عنها هنا بس هقولها تاني
احنا لينا واحدة جارتنا بقالها كتير عايشة في السعودية فجد مصر وجت تسلم علينا هي وبناتها ولما بناتها خلعو الحجاب بسم الله ما شاء الله علي شعرهم طويل جدا يقرب من الركبة ونااااااااعم وتقيل جدا
المهم امي سألتها ع السر وقالتلها ان احنا في الكويت كل يوم جمعة بنعمل حنة فماما قالتلها طب ما احنا بنعمل الحنة بس مبتعملش كده قالتلها عشان انتو بتستخدموها غلط انتو بتحطو الحنا ع الشعر كله وهي طبيعتها بتنشف الشعر لازم تحطوها ع الجذور بس وبعدين بتسيبوها لغاية لما تنشف وده غلط الحنة بتعد ع الشعر ساعتين تلاتة بالكتير عشان لو نشفت علي شعرك هتنزل بالشعر
المهم فعلا انا جربت الحنة بالطريقة دي وفعلا مفعولها رااااااااااائع وبطلتها بقالي فترة فقولت ارجع لها تاني
ثانيا بقي موضوع البصل والتوم انا سمعت عن فوايده الكتيرة للشعر فجبت بصلتين متوسطين و5 فصوص توم وشوية ماية صغيرة وضربتهم في الخلاط وصفيتهم وخدت الماية بتاعتهم وعجنت بيها الحنة وحطيت زيت زيتون وجرجير وخروع وسبتها تخمر وبعدين حطيتها علي جذور الشعر بسسسسسسسسسسسسسسس
وباقي الشعر دهنته زيت زيتون زي حمام زيت اهو برضو يستفيد ولبست عليه كيس بلاستيك وساعتين ونص وغسلته

النتيجة بقي بجد والله التساقط قل بنسبة كبيرة جدا بجد زهلت من نتيجته السريعة دي
وناوية استمر عليها كل اسبوع لغاية لما يقف التساقط خالص ولو انه يكاد يكون وقف فعلا
كمان الوصفة دي بتقل الشعر جدا وبتطوله وبتنبته في الاماكن الفارغة
وان شاء الله كمان شهر كده هدخل واقلكو وصلت لايه
الوصفة بصراحة رائعة بس مشكلتها الريحة بس كله يهون عشان شعري حبيبي
انا بغسله بشامبو سباركل عشان ريحته نفاذة وحمام كريم فاتيكا
اللي عجبه الموضوع يقيم ويرد ومش هقول يدعيلي لا يدعي لاخوانا في سوريا وبسسسسسسسسسسسسسسسسسس
بجد اني احبكم في الله

قادمةيا أقصى قادمةيا أقصى 173745_6.gif فتكات هايلة Fatakat 173745 حلوان – مصر ام الدنيا