من فترة وانا قررت اغير نظامى والحمد لله نجحت
مش بس انى اعمل اكل صحى بس لا وكمان بوفر فلوسى وكمان وقتى
اولا هشرح الخطوط العريضه
استغنيت عن التحمير
كل الاكل مسلوق او مشوى فى الفرن
اللحمه والفراخ بسلقهم فى مايه مغليه ولما بيكونو نص سوا بنشلهم واحط فى الشوربه جزر وكرفس والتوابل اوعى تضيفى الخضار والفراخ مع بعض
بعد كده بضيف على الشوربه معلقتين دقيق واقلب بسرعه وياريت تكون كميه الشوربه قليله واصبهم فى قوالب الثلج وبستخدمهم فى الطبخ لطعم الذ
التوابل مهمه بتدى طعم حلو اهمها الزنجبيل (ده اساسى فى كل طبخه)
الفلفل الاسود(مضادات اكسده )
الشطه (بتزود حرق الدهون)
الكزبره(بتقلل الكوليسترول)
الحبهان (حبتين بس)
الكمون (معروف اهميته للرجيم) وانا بحمص الكمون والكزبره بيبقا طعمهم اجمل بكتيييير
نيجى بقى للاكلات والنظام اليومى
عملت اللبن خالى الدسم
هياخد وقت شويه بس ممكن تعملى 2 كيلو كل مرة ووتشيلى الزايد منك فى الفريزر
اولا هتغلى اللبن وبعد ما يبرد على التلاجه فى الصبح تشيلى القشطه وتسيبيه شويه فى درجه حراره الغرفه وتغليه تانى ونعيد الخطوة الى فاتت وكده هتشيلى القشطه مرتين بعد كده هتضيفى عليه كوب ماء مثلج وشويه جنزبيل بودر ربع معلقه
بس كده
اه نسيت اقولك الوش اوعى ترميه هنعمل منه سمنه تجنن اه سمنه متقلقيش برده صحى
ومنه تعملى الزبادى الدايت بس الخميره لازم تكون زبادى دايت
البشاميل يتعمل لبن خالى الدسم معلقتين دقيق ومعلقه توابل ولما يبرد تضيفى معلقه زبادى (جربيها وهتدعيلى )
ابدلت الرز المصرى بالبسمتى وبرده بسلقه
بستخدم الطماطم المبشورة مع الفلفل الاسود والملح مع المكرونه والكوسه البشاميل
العصاج كله عى بعضه ودقيقتين على النار
اللحمه مع البصل المفروم مع فلفل حار (لازم طبعا) واحط معلقه واحده زيت (مش قولت توفير) وعلى النار ومعلقه توابل
الزبادى بالخيار ده حبيبى وشويه نعناع انا بضيفله ثوم وفلفل حار وبجد الطبق ده صحى جدا يتقال فيه قصايد
الزبادى بيقلل الكرش( تصدقو )
الخيار مفهوش سعرات حراريه تذكر
النعناع غنى عن التعريف
الثوم برده غنى
الفلفل الحار للحرق
واديهم ربع معلقه زنجبيل(انا قولتلكم فى كل اكلى)
وده طبق اساسى فى الغدا وبيتمسح مش بيتاكل
اللحمه والفراخ بكمل سواهم فى الفرن بتيلهم بالتوابل بتاعتى وعليهم زعتر وشويه كارى ومعلقتين زبادى وطماطم مبشوره وعلى الفرن
انا لسه مقولتش الاكلات ولا المشروبات وكله صحى ومفيد ها اكمل
مواضيع هذا القسم برعاية
مسلمه وافتخر 84 مسلمه وافتخر 84 196620_9.gif فتكات هايلة Fatakat 196620 بيت حبيبى – مصر