ان شاء الله هاتكون سلسلة مواضيع فيها أكلات خفيفة وصحية
مجرد متغيري طريقة طبخك للأكل ..
لو تخينة هاتخسي ولو خسيتي مش هاتتخني تاني
أول وصفة
فطــاير بطريقة خفيفة ولذيذة اوي ..
وماتفرقش كتير عن الفطاير العادية اللي بنعملها
نشوف المقادير
العجينة
كوباية ونص دقيق أبيض
كوباية ونص دقيق قمح كامل
معلقة كبيرة خميرة
معلقة كبيرة حليب بودرة قليل الدسم
معلقة ص بيكينج باودر
معلقة كبيرة عسل نحل
رشة ملح
اختياري ( حبة البركة )
تقلبيهم مع بعض بعدين تعجنيهم
بـ كوباية ماية دافية ومعلقتين زيت زتون
* غطي العجينة في وسيبيها تخمر في مكان دافي
الحشـــــــوة
1 – جبنة قريش مع توم بودرة ومعلقتين جبنة كاسات قليلة الدسم ومعلقة صغيرة زعتر
شوية شبت وبصل اخضر متقطع رفيع
2 – حشوة تانية عبارة عن زعتر وزيت زتون
التشكيل
ممكن تشكليهم اى شكل انتي عاوزاه ، وانا هنا عملتهم رولز
بتفردي العجينة مستطيل وتحطي الحشوة وتلفي رول
بعدين تقطعيها ..
الخبز
يتخبزوا في فرن متسخن قبل كده على درجة حرارة 200 في الوسط
لمدة 15 – 20 دقيقة
ممكن تاخديها فطار تكون حلوة اوي .. او واحدة سناك في وسط اليوم
بلاش بالليل عشان النشويات مش بتبقى تمام
وصحتين ..
أشوفكم في الوصفة الجاية
مواضيع هذا القسم برعاية
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة