بنات انا عملت كوكيز الشوفان الدايجيستيف دايت
ايوة انا سميته كده
على كوبايه شاى رائع والله يا بنات وخفيف وحلو فى الفطار
مع الدايت كافى تلات وحدات مع الشاى مثلا
ندخل بقى
كوب ونص دقيق اسمر وممكن
كوب دقيق وتحطى عليه نص كوب رده او نخاله
كوب شوفان
125 جرام زبده بدون ملح او لايت
ثلث كوب سكر
وطريقته طحنته مع خمس حبات سكر دايت
عشان يتحول لسكر دايت
وبيضه
معلقه فانيليا
ومعلقتين باكينج باودر
نجيب الزبده والسكر نضربهم حلو بالمضرب حتى التجانس
وضيف لهم البيضه والفانيليا
ونكون محضرين
الدقيق والشوفان عليه الباكينج بودر
وانا مطحنتش الشوفان هنا
لالا
حطيته زى ماهو وطالع مقرمش وخطير
انا ماصورتش المكونات والاضافات بالتفصيل
لانى مكنتش عارفه والله انها هتطلع حلوة
لكنى صورت البسكوت وهو هايدخل الفرن
ولما خرج
ودى صورته وهو قبل مايدخل الفرن
وده ظهره
وده وشه
وبالهنا والشفا يابنات
ملاحيظى بقى
اولا سخنت الفرن الاول
على 180 درجه
وعجنت العجينه وسبتها ساعه تريح لان الشوفان بيتماسك اكتر وبيفرش زى مانتو عارفين
وممكن تضيفى قرفه او قهوة للعجين لتغيير الطعم
بياخد حوالى 10 الى 15 دقيقه جوة الفرن
بالهنا والشفا متنسوش التقييم يا كلابيظ
مواضيع هذا القسم برعاية
شذى ياسمينه شذى ياسمينه 595627_5.gif فتكات ست الكل Fatakat 595627 الفروانيه – خبيره تجميل بالكويت