طبعا احنا عاملين دايت ونفسنا ساعات فى حاجة حلوة او تغير فى الفطار برده
النهاردة عملتلكوا بقى اختراع رهيييب تيراميسوا بالشوفان دايت من مطبخى
نبدأ مع بعض
✿✿ بسم الله ✿✿
المقادير
شوفان حوالى 3 او اربع ملاعق
علبة زبادى لايت
2 ملعقة لبنة بدون ملح
2 كيس سكر دايت او عسل
ملعقة صغيرة نسكافيه ندوبها فى ربع فنجان مايه بارده
✿ ملحوظة :الزبادى واللبنة انا عملتهم فى البيت بغلى اللبن وابرده فى الفريزرلمده 3 ساعات تقريبا
واشيل وش اللبن اللى هى القشطة واغليه تانى واسيبه لتانى يوم هيطلع لى قشطة تانى وبكده يبقى خالى الدسم
بعمل منه الزبادى عادى واللبنة برده
الطريقة
هندوب النسكافيه فى المياة الباردة ونحليه بشوية سكر دايت انا بستعمل سويتال حلو جدا
هنلخبط علبة الزبادى مع اللبنة وسكر الدايت فى كوباية كده ونقلب كويس اوى
هنحط شوية شوفان فى كاس التقديم ونبلهم بالنسكافيه ونقلبه شوية لانه هيشرب
هنحط طبقة من الكريمة اللى بالزبادى واللبنة فوق الشوفان
ونكرر تانى شوفان وعليه نسكافيه وبعدين كريمة تانى
وفى الاخر نزين الوش بشوية كاكاو صغيرين او نسكافية حسب الرغبة
وده الشكل النهائى
✿ ملحوظة بيبقى احلى لو سبناه فى الثلاجة لتانى يوم يابنات
بالهنا والشفا يافتوكات جربوه وادعولى ومتنسوش التقيييم علشاان انزلكوا وصفات دايت كتيييير
مواضيع هذا القسم برعاية
totapepo totapepo 250971_169.gif برنسيسة فتكات Fatakat 250971 دمياط – مصر