ازيكم يافتوكات وحشتونى موووووت
يارب تكونو بالف خير
اختكم من عشاق المايونيز وطبعا مجربتش اعمله فى البيت
لانى كونت بقرف من فكره البيض النى دى امبارح بقا لقيت
طريقه للمايونيز من غير بيض فى جروب بنوته اسمها شيماء
على الفيس بوك ربنا يباركلها يارب
قولت اجربه ومقولكوش بقا طلع تحفففففففففففة
واحلى من الجاهز كمان
المقادير
نصف كوب لبن
كوب زيت
معلقتين خل
معلقة مستردة
ملح حسب الرغبة
الطريقه بقا
هنضرب كل المكونات فى الخلاط
او بمضرب البيض ما عدا الزيت وبعد ما تختلط كل المكونات كويس
ننزل بالزيت بالتدريج وبعد ما تخلص كميه الزيت لو لقيتى قوامها
محتاج يتخن شويه نفضل نضرب فيها لحد ما هتلاقى قوامها بقا كريمى وجميل
وعلى فكره المقدار ده بيعمل حجم برطمان المايونيز اللى بنشتريه من بره
وطبعا تحطيها فى برطمان نضيف وعلى التلاجة بجد ياجماعة طعمه
تحفففففففففة واحلى من الجاهز لانه مش لاذع قوى زى الجاهز وكمان مفيهوش بيض نى وكفايه انك ضامنه
نضافته وكمان مفيهوش مواد حافظة زى الجاهز جربوه ومش هتندمو وكل اللى تجربه
ويعجبها تدعيلى دعوه حلوة وبالهنا والشفا مقدما مواضيع هذا القسم برعاية
koki_85 koki_85 فتكات هايلة Fatakat 896796 luxor – egypt