بسم الله الرحمن الرحيم
أنا جربت أكثر من 3 طرق للثومية وكل واحدة ليها عبها إما الصلاحية أو الخوف من مرض السلامونيلا أو إنها بتفك وتعمل ميه أو زيت أو بتفضحني قدام الضيوف وبتيقي شربة أو إن نكهتها كلها بطاطس مش ثومية عموما بعد تعب
والحمد لله ربنا هداني لإبتكار الطريقة دي أتمني إنها تعجبكم مع العلم إنها إبتكار خاص وحصري لفتكات وممنوع النقل .
لدي اليوم وصفة مبتكرة للثومية تنفع للعزومات والشغل الكثير والكل هيحبها لأنه مش هيعرف يفرق في الطعم لكن القوام ممتاز ويصلح للدهن والحرارة مبتسيحهاش بل بتفضل زي ما هيا ومدة صلاحيتها أكثر من إسبوع ومفيش فيها بياض بيض ولا بطاطس !!!
المقادير :
3/4 ملعقة كبيرة نشا
كوب لبن رايب
نص ملعقة صغيرة ملح أو حسب الرغبة
1/2 ليمونة أو حسب الرغبة
2 فص ثوم مطحونين أو حسب الرغبة
بس !!!!
الوصفة :
علي النار في إناء أو طنجرة أو كسرولة / ضعي كل المقادير مع بعض مع التقليب لغاية لما يبقي سميك شويا
وبعدين إطفي عليه وبرديه قبل التقديم وخلي بالك تضربيه قبل ما تقدميه لأنه بيجمد شويا زي المهلبيه وبالهنا والشفاء
أتمني إنكوا تجربوا وتقولوا رأيكم ودمتم سالمين
مواضيع هذا القسم برعاية
الساعة الذهبية الساعة الذهبية 1045339_1.gif فتكات متميزة Fatakat 1045339 القاهرة – مصر