اكيد كتير منكم عارف الاكله دى بس ممكن يكون لها اسم تانى
هى عباره عن مكونات شوربه العدس بس تبقى تخينه وبتتغرف ف اطباق زى البصاره والكشك وبتتغمس بالعيش
المقادير
عدس احمر— بصل مقطع—توم—جزر مقطع—طماطم—(فى ناس بتحط بطاطس بس انا مبحطش بحس انها بتخلى اللون باهت)—-شعريه شعر
الطريقه
1-نحط ف الحله كل المكونات ما عدا الشعريه ونضيف لها ميه ونسيبها لغايه ما الخضار يستوى كويس وياسلام لو بدل الميه شوربه بمواسير العضم او شوربه كوارع بس انا عملته بميه عادى وطلع جميل
2-بعد ما يبرد شويه نضربه ف الخلاط ونرجعه تانى ف الحله على النار
3-نشوح فص مستكه وحبهان ف حتته سمنه او زيت ونضيفها للعدس
4-نحمر شويه شعريه شعر ونضيفهم للعدس ونظبط الملح ونسيبه على نار هاديه لحد الشعريه ماتستوى
5-نظبط قوامه زى قوام البصاره
6-نغرفه ف الطباق وعلى الوش البصل المحمر
ولو عجبكم ارجو التقيم
مواضيع هذا القسم برعاية
shrety shrety images/avatars/moon.jpg فتكات رائعة Fatakat 120854 الرياض – السعوديه