مساء الخير يا أحلى الفتوكات
إن شاء الله تكونوا بالف خير يا قمــرات
ودايماً منورين مدونة فتكات
وحشتووونى وحشتووونى وحشتووونى
قــــــــد كــــــــده
بصوا يا قمرات فتكات
موضوع النهاردة ده أول تجربة ليا مع المخللات
هههههههههههه
آه والله أول تجربة وطبعاً لفرحتى الشديدة بعمايل إيدى
قررت أوريكم صوره
صحيح بسيط ومش إفتكاسة جديدة يعنى لكنى مبسوطة
بســــــ الله ـــــــم
✿ زى الصورة كده
3 ك لفت ولو فى رايت كمان كنت خللته
هههههههههههه
✿ بنجراية واحــــــدة لزوم اللون الحلو
✿ و برطمان أوعوا تنسوا البرطمان
ههههههههههههه
✿ طبعاً بنغسل اللفت كويس ونقطعه كــــده
أو حسب تفضيلك ممكن تعمليه أصابع زى البطاطس
✿ وبنحط طبقة لفت فى البرطمان
وبعدين حتة بنجر وطبقة لفت وحتة بنجر وهكذا
لحد ما نخلص كمية اللفت بتاعتنا
✿ فى الوقت ده طبعاً نبقى مجهزين ميه سُخنة كده
✿ وبنحط عليها الملح والشطة وندوبهم كده
ممكن تحطى نقطتين خل علشان يستوى بسرعة أكتر
بس انا مش حطيت هو أصلاً بيستوى بسرعة
✿ ولما تهدى يعنى مش تبقى سُخنة نحطها على اللفت بتاعنا
علشان لو حطينا الميه سُخنة قوى هتخطف لون البنجر ويبقى باهت
✿ ونقفل البرطمان بتاعنا ونسيبه كام يوم لحد ما يستوى
ويبقى لون اللفت إحمر شوية
و آدى اللفت بعد ما إستوى خالص
✿ بقى لونه بينك وجميل إزاى ؟؟؟
ها إيه رأيكم بقى ؟؟؟
وبس خلاص خلصت خلاص
ويا رب يكون اللفت طلع شكله حلو زى طعمه
وتدخلوا تردوا وتقييموا
مواضيع هذا القسم برعاية
Noursein Noursein 177973_4.gif فتكات ست الكل Fatakat 177973 حلوان – مصر أم الدنيا