السلام عليكم ازيكم يا احلي فتوكات النهاردة انا عملت صوص باربيكيو وطلع طلع طعمه زي الجاهز بالظبط وقولت لازم افيدكو زي ما استفدت منكم كتيروالله الموضوع مش منقول ومن مطبخي لفتكات
اللهم صلي وبارك وسلم علي نبينا محمد
سبحان الله وبحمده سبحان الله العظيم
المكونا ت :
5 قرنفل 1 م.ص كمون 2 م.ك شمر 1 م.ص فلفل اسمر 3 م.ص ملح 1م.ص شطة
2م.ك روزماري 10 ورقات لورا 2م.ك زعتر 1 حبة لومى 4 م.ص بابريكا 1 م.ص قرفة
1 م.ص زنجبيل 1 م.ص سكر
كل البهارات دي نطحنها كويس اوي مع بعض لحد ما تنعم خالص
وبعدين نضيف عليها الاتي:
راس ثوم مفرومة ناعم اوي بصلة متوسطة مفرومة ناعم اوي برضه
بشر قشر برتقالة ويكون مبشور رفيع خالص وممكن تحطيه في الكبه مع البصل والتوم ويتفرمو كويس اوي
1م.ك عسل 2 م.ك صويا صوص 2 م.ك دبس رمان
عصير برتقالة انا مكنش عندي فحطيت عصير ليمونتين
1م.ك مستردة 2/1 كوب تمر هندي 2/1 كوب خل
8 م.ص زيت زيتون زجاجة كاتشاب صغيرة
معلش يا بنات المقادير كتيرة بس النتيجة رائعة وهتعمل كمية كبيرة ممكن تشيلي جزء منها في الفريزر وتسيبي جزء
في التلاجة علي اد استعمالك
الصوص ده بتبلي بيه المشويات وفي وصفات كتير هنا بيه عالمنتدي
يارب اكون افدتكم وما تنسوش الردود والتقييم
وادعولي ربنا يخليلي ولادي وجوزي ويباركلي فيهم
معلش طولت عليكم
انا صورته بس مش عارفة انزل الصورةازاي مواضيع هذا القسم برعاية
nono 2024 nono 2024 230027_5.gif فتكات رائعة Fatakat 230027 حولي – الكويت
سبحان الله و بحمده